مديرة مدرسة الشهيد بكفر الجزار: «لو بصينا للمرتبات مش هنشتغل وأنا بعشق مهنتي»
كشفت صالحة عبدالفضيل، مديرة مدرسة الشهيد بالقليوبية، تمسكها بمهنة التعليم وحرصها على أداء رسالتها رغم تحديات العمل، مؤكدة أن حبها للمهنة يدفعها إلى الاستمرار، وموجهة رسالة إلى زملائها بضرورة العمل من أجل الأجر والثواب وليس فقط مقابل الراتب.
أنا بعشق مهنتي وبخلص فيها وبقول لزملائي متشتغلوش عشان المرتب اللي بتقبضوه اشتغلوا عشان أجركم عند ربنا
وقالت خلال مداخلة هاتفية مع الإعلامية نهال طايل في برنامج «تفاصيل» المذاع على قناة «صدى البلد2»: «أنا بعشق مهنتي وبخلص فيها وبقول لزملائي متشتغلوش عشان المرتب اللي بتقبضوه اشتغلوا عشان أجركم عند ربنا»، مضيفة: «لو إحنا بصينا للمرتبات مش هنشتغل، لكن إحنا عايزين الأجر من عند اللي خلقنا بس».
وأوضحت أن لقاءها بوزير التعليم كان بمثابة تكريم لها ولزملائها، قائلة: «مقابلة وزير التعليم كانت تكريم لينا، وإحنا برضه كرامتنا محفوظة وكل واحد بيحافظ على كرامته، لكن مقابلة الوزير شرف».
وعن رد فعلها بعد تلقي مكالمة من مكتب وزير التعليم، قالت: «لو كانت أي حاجة غير إني اتكرم عادي مش فارقة، أنا كده كده في المدرسة سواء مديرة أو مدرسة أو عاملة، أنا مش فارق معايا حاجة، أنا منوفية والمنوفيين جامدين».
وتطرقت صالحة عبدالفضيل إلى زيارة محافظ القليوبية للمدرسة، موضحة أنها لم تكن تعلم مسبقًا بالزيارة، قائلة: «مكنتش عارفة بزيارة المحافظ، لأني كنت جاية من الإدارة التعليمية ودخلت على المدرسة، قالوا المحافظ فوق، فطلعت له فوق وقابلته».
وأشارت إلى أن الزيارة كانت في حدود الساعة الواحدة إلا ربع، وكان وكيلة المدرسة والمدرسون متواجدين وقتها.
وعن إنفاقها من مالها الخاص على المدرسة، قالت: «أنا دلوقتي أقدم لمين ما يثبت إني صرفت من مالي الخاصة على المدرسة، والمحافظ لم يطلب مني فواتير ومحدش طلب مني فواتير، أنا مقدمة الأوراق في النواحي المالية التابعة للإدارة، وكلهم عارفين وإحنا شغالين بورق، ولازم أي مستند بيتم تقديمه بيكون معانا صورة ليه للإثبات».
وبشأن ما تردد عن زيارة المحافظ للمدرسة في اليوم التالي، قالت: «أنا معرفش حاجة ومحدش تواصل معايا وقالي كده، لو المحافظ جه هيجي يشوف سير العمل، هو بيشوف شغله وأنا بشوف شغلي».
وأكدت أن ما حدث لا يقتصر عليها وحدها، قائلة: «ولادي وجيراني والجمهورية كلها مبسوطة بيا، وده مش حالي أنا بس، ده حال كل مدير مدرسة، الكل كده بيعملوا زيي».
كما وجهت رسالة إلى المتعاطفين معها، قائلة: «بشكر كل الناس اللي اتكلمت عني بالخير وبالشر، وقلبي مش بيشيل من حد خالص، والناس حاسة بينا وحاسة بالتعب».
وعن التعليقات التي صاحبت انتشار الفيديوهات، أوضحت: «التعليقات اللي مش مقبولة إن فيه ناس تقول اتبرعنا، وإحنا مخدناش تبرعات من حد خالص ولا حد جاب لنا حاجة، وعايزة حد ييجي في وشي ويقول أنا جبت حاجة أو تبرعت بحاجة».
