شوبير يوجه رسالة نارية قبل مباراة الزمالك وأبو قير بشأن التحكيم
وجه الإعلامي أحمد شوبير رسالة إلى جماهير الكرة المصرية مطالبًا بعدم الحكم مسبقًا على أداء الحكام أو ممارسة ضغوط عليهم قبل انطلاق المباريات وذلك بالتزامن مع استعداد الزمالك لمواجهة أبو قير للأسمدة.
وتطرق شوبير خلال حديثه إلى تعيين محمود ناجي لإدارة مباراة الزمالك وأبو قير للأسمدة مشيرًا إلى انتشار بعض التعليقات التي تتوقع فوز الزمالك بمجرد معرفة اسم حكم اللقاء.
وقال شوبير: والنبي يا جماعة مش عايزكم يكون في تربص بالحكام من قبل المباراة، لأن لما ببص على الرسايل دلوقت لقيت واحد بيقولك محمود ناجي حكم مباراة الزمالك وأبو قير للأسمدة، يبقى مبروك على الزمالك الـ3 نقاط مقدمًا.
وأضاف: مش عايزين القصة دي تكون موجودة، ومش عايزين السيف يبقى مسلط على رقبة الحكام، ما هو مفيش حكم عايز يبقى وحش، مفيش حكم مش عايز يكون موفق، لكنه أحيانًا التوفيق بيغيب، وأحيانًا الصفارة بتبقى غلط.
وحذر شوبير من تصنيف الحكام وفقًا لانتماءاتهم، قائلًا: بلاش الله يبارك لكوا قصة إن ده حكم أهلاوي وده حكم زملكاوي، والله ما في حكم لا أهلاوي ولا زملكاوي في الملعب، الحكم عايز يبقى أحسن واحد في الملعب، الحكم زيه زي اللاعب.
وطالب الإعلامي الجماهير ووسائل الإعلام بمنح الحكام فرصة للعمل دون ضغوط مستشهدًا بتصريحات عصام عبد الفتاح، الذي طالب بالصبر على منظومة التحكيم خلال الفترة المقبلة.
واختتم شوبير قائلًا: ساعدوا الحكام شوية زي ما الكابتن عصام عبد الفتاح طلب إمبارح وقال اصبروا علينا شهرين تلاتة، قال نصًا أنا مستلم تركة كارثية بالحرف كده، فساعدوني، يبقى الراجل عارف القصص كلها والحدوتة كلها شكلها عامل إزاي.
