يسرا: «بخاف لحد دلوقتي.. مش من النجاح أو الفشل بخاف أختار صح ولا لأ»

قالت الفنانة يسرا إنها لا تزال تتعامل مع كل عمل جديد وكأنها تخوض تجربة للمرة الأولى، مؤكدة أنها تشعر دائمًا بالقلق تجاه اختياراتها الفنية، ليس خوفًا من النجاح أو الفشل، وإنما من اتخاذ قرار قد لا يكون مناسبًا لمسيرتها وحياتها.

أنا مش خايفة من حاجة

وأضافت  يسرا، خلال لقائها مع الإعلامية لميس الحديدي، ببرنامج “الصورة مع لميس”، عبر شاشة “النهار”، : «لا، أنا لسه ما عملتش حاجة. أنا ما في موضوع بخشه من غير ما أبقى حاسة إن أنا لسه جديدة، لسه مش.. يا ترى؟ يا هل ترى؟ يا ترى اختياري صح؟ يا ترى اللي عملته صح؟ وبخاف لحد دلوقتي، بخاف، بخاف، مش عشان هنجح ولا هسقط، ولا هجيب فلوس ولا مش هجيب فلوس، ولا هنجيب البوكس أوفيس، مش هو ده خالص».

وعن أكثر ما تخشاه، أوضحت: «أنا مش خايفة من حاجة، لكن أنا بقول بخاف إن أنا: يا ترى اخترت صح؟ يا ترى أنا يعني عند الاختيار ده عملت حاجة مظبوطة ليا؟ مش يعني لكاريري، لحياتي، ما ينزلنيش، لا يطلعني».

وعندما سُئلت عما إذا كانت تخشى الوقوع في خطأ عند الاختيار، أجابت: «طبعًا، ما أحبش أغلط في الاختيار، ما يصحش أغلط في الاختيار».

وعن طريقة تعاملها مع أخطائها، قالت: «عادي، خلاص، غلطة، انتهى، انتهى، مش هقف عندها، خلصنا».

وأضافت: «لا، لا، ممكن أعاتب نفسي في حاجات، لكن أوصل لمرحلة إن أنا ألوم نفسي وأحس إن أنا غلطانة في حق نفسي وفي حق الغير؟ لا»، مؤكدة ا أنها تكره النكد ولا تحب الاستسلام للمشاعر السلبية، قائلة: «لا، بكره النكد».