فرد عضلات.. أحمد سالم ينتقد طريقة تعامل محافظ القليوبية مع مديرة المدرسة

انتقد الإعلامي أحمد سالم خلال بث مباشر على صفحته على «فيسبوك» طريقة تعامل محافظ القليوبية مع مديرة إحدى المدارس الحكومية خلال جولة تفقدية قبل أيام من بدء العام الدراسي الجديد.

واقعة في مدرسة حكومية

قال سالم إن الفيديو الذي انتشر يظهر المحافظ وهو يتجول في مدرسة حكومية للاطمئنان على الاستعدادات للعام الدراسي، مضيفا أن الحوار بدأ عندما قالت المديرة للمحافظ: «إحنا هننظف خلاص يوم الأربع لأن المدرسة يوم الحد». فعلق المحافظ: «إزاي هنعلم الولاد النظافة والمكان وسخ كده».

رد المديرة بثبات

أشار سالم إلى أن المديرة ردت بمنتهى الثبات الانفعالي وقالت للمحافظ إنها «بتصرف على المية والكهرباء من جبها الخاص»، وتابع: «هنا سقط في يد المحافظ وبلغة المصريين ردت في صدره».

رفض التقريع على الهواء

أكد سالم أن من أسوأ العادات التي انتشرت عند السادة المسؤولين وخصوصا السادة المحافظين وبعض الوزراء هي «فكرة تقريع ومعاتبة مرؤوسيهم على الهواء مباشرة في اللايف»، وقال: «الناس دي عندها أسر وعندها ولاد وفيه سيستم إداري لازم نحترمه.. حضرتك لما تلاقي مرؤوس عندك أخطأ فيه شؤون قانونية تتحقق معاه عشان قد يكون مذنب وقد يكون بريء».

وأضاف: «اللقطة بتاعت إننا أطلع أستعرض العضلات الإدارية بحكم إني أرأس وظيفيا وأمسكه أفرج عليه الناس وخلي ولاده يتفرجوا على أبوهم وهو بيتهان والطلبة بتقول هو مدير مدرسة يشوفوه وهو بيتم توجيه اللوم بشكل فيه عنف وقد يقال على الهوا أو يتم إحالته للتحقيق على الهوا طب ليه؟ يعني إيه الهدف من كده؟».

المطالبة بتكريم المديرة

وصف سالم المديرة بأنها «السيدة الشجاعة المغوارة البطلة» و«نموذج للمرأة المصرية القوية»، وقال: «الست وقفت بمنتهى الثبات قالت له أنا مقدمة 12 مخاطبة للمتابعة إن أنا محتاجة مية وكهرباء لأن بعد ما هدولي المبنى قطعوا عني المرافق ومحدش رد علي وعملت ده على حسابي».

وطالب بتكريمها قائلا: «إذا صحت رواية هذه المديرة اللي قالت إن هي بتصرف من جبها على مرافق المدرسة حبا في مكان عملها تتكرم وتترقى وتتعين مدير إدارة تعليمية وتتعين وكيل وزارة لأن اللي زي السيدة دي هم اللي إحنا محتاجين لهم».

مساءلة عن دور المحافظ

وجه سالم سؤالاً للمحافظ: «حضرتك النهاردة لسه فاكر إن تجوب المدارس أو تفتش عليها قبل الدراسة بأربع أيام؟ حضرتك النهاردة لو الغرض الأصلي من الزيارة هو فعلا إعداد هذه المدرسة لاستقبال الطلاب كنت فين حضرتك من أول الصيف؟».

وطالب المحافظ بمراجعة نفسه قائلا: «أتمنى أن يدرك السيد محافظ القليوبية أن اللي حصل مع السيدة الفاضلة المديرة يستحق أن نكرمها ويستحق أن نراجع أنفسنا». 

واقترح: «يستدعيها غدا لمكتبه وزي ما طلع لايف لتوجيه اللوم ليها يطلع لايف وهو بيشكرها ويقولها لو فعلا تأكد إن الست دي بتصرف من جبها يقولها أنت ست محترمة وأنت قدوة لغيرك».