إيناس عز الدين تتعرض لوعكة صحية: "نزيف شديد جداً وألم لا يمكن وصفه"
أعلنت الفنانة إيناس عز الدين عن تعرضها إلي وعكة صحية شديدة، ولم تتمكن منا لأعتذار عن التزامتها وحفلاتها في مراسي، وذلك من خلال منشور عبر حسابها الرسمي على موقع التواصل الإجتماعي فيسبوك.
تعرض إيناس عز الدين إلي وعكة صحية
حيث قالت إيناس عز الدين: “تعبانة جداً بقالي أربع أيام هجمة قولون تقرحي و نزيف شديد جداً و ألم لا يمكن وصفه ولا تحمله و الهجمة تكاد تكون من أصعب الهجمات اللي مرت عليا بما ان كل هجمة بقت بتيجي بتبقى أصعب من اللي قبلها و كان عندي التزامات شغل في مراسي - الساحل ومافيش مجال ولا وقت للتراجع أو الإعتذار و روحت و خلصت شغلي بقدرة ربنا على أكمل وجه و بعدها طلعت على اسكندرية الصبح علشان أجدد رخصة العربية و قولت هرجع القاهرة هاخد النهاردة أجازة من شغلي و أطلع على المستشفى”.
واستكملت إيناس عز الدين قائلة: “بس و احنا راجعين في الطريق للقاهرة لقينا الغلابة دول على بداية الصحراوي و هياكل عظمية من قلة الأكل و الشرب و أحمد الله يباركله نزل أكلهم كل الأكل اللي معانا بنية الشفاء ليا و حاسة إني بقيت مش محتاجة لحاجة ولا حتى إني أروح مستشفى و إن ربنا هياخد بإيدي و يلمسني لمسة شفاء بفضله و كرمه و عطفه كالعادة، مهو لما ترحم ربنا هيرحمك”.
أصعب فترة مرت على إيناس عز الدين
في سياق آخر، قد كشفت المطربة إيناس عز الدين عن أصعب فترة مرت عليها بعد وعكتها الصحية، وقيامها بإجراء عملية جراحية في عينيها بنفس التوقيت العام الماضي، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
وعلقت إيناس عز الدين قائلة: “الحفلة دي من سنة تقريباً و بعيداً عن انها من احب الحفلات لقلبي بس ذكراها كانت صعبة جداً و بتعرفني قد ايه انا جامدة جداً وكمان عندية و راسي ناشفة جداً، الحفلة دي تاني يوم ما عملت عملية كبيرة في عيني بعد ما حصل فيها قطع في الملتحمة وكاد ان يصل للقرنية و اتعالجت غلط و للاسف الجرح اللي في عيني اتسع و حالته ساءت جداً و كدت ان افقد البصر في عيني اليسرى و لكن قدر و لطف، و طبعاً رفضت اعتذر عن الحفلة و طلعت المسرح بدون أي ميك أب نهائياً ما عدا تنت على الخدود و الشفاه فقط و عيني طبعاً كانت شكلها مرعب و لونها احمر زي افلام الرعب بعد الجراحة، وكان اصعب ما في الموقف هو اني اتعرض للضوء المباشر على المسرح و اكشف عيني و اشيل الضمادة تاني يوم العملية مباشرة و انا لسه فيا غرز و المفروض كنت افضل اسبوعين بالضمادة ومش بس كده، ده تاني يوم الحفلة دي سافرت علشان ابدأ موسم حفلات الساحل اللي استمر ٣ شهور متواصل، والله ربنا بيلطف بينا احياناً رغم اننا بنتصرف بغباء”.
