«بطلنا نقول ابن عادل إمام».. طارق الشناوي: محمد حالة خاصة ونجم شباك

أكد الناقد الفني طارق الشناوي أن الفنان محمد إمام تجاوز مرحلة "التقليد" وأصبح نجم شباك له مفرداته الخاصة، مشيرا إلى أن أرقام أفلامه الأخيرة تثبت جماهيريته بين الشباب.

في الأول كان بيقلد عادل إمام

قال الشناوي خلال لقائه على قناة الشمس: "محمد إمام كان محير بالنسبة لي.. في الأول كنت بشوفه صورة من عادل إمام، وعادل كمان واشتغل معاه يعني من أول ما اشتغل".

لو كان مجرد صورة كان وقع

وتابع: "يمر زمن، ابتدي أنا أراجع حتى رأيي فلاقي إنه لو كان هو مجرد صورة كان وقع"، وأوضح أن محمد إمام نجم شباك «وأرقامه في آخر أفلامه مثلا هي صقر وكاناريا أرقام استثنائية».

80% من الجمهور شباب

وأشار الشناوي إلى أن نسبة كبيرة من جمهور محمد إمام من الشباب: "الجمهور ده نسبته 80% على الأقل اللي هو العشرينيات، اللي هم الشباب".

وعن موقفه الشخصي قال: "أنا كجيل أكبر جوايا رصيد من عادل إمام الأب. شيئة أم أبيض اتربينا مع عادل إمام، بنتحك مع عادل إمام. فببقى عندي حساسية زائدة تجاه أي حاجة ممكن تبقى رايحة ناحية عادل إمام. شايف إنه عادل إمام أعظم ممثل كوميدي في مصر والعالم العربي كله".

عنده مفرداته الخاصة

وختم الشناوي تصريحاته بالتأكيد على استقلالية محمد إمام فنيا: "لكن مع الزمن لقيت إنه هو عنده مفرداته. فيه جزء من عادل دي بتاعت ربنا، لكن محمد عنده مفرداته الخاصة. وأنا حكمي لأني متأثر بعادل بيبقى قاسي في الحياة دي. فبقيت أعامل محمد إمام لأ كأنه حالة خاصة جدا ليس لها علاقة بوالدي".