عصام سراج الدين يبرئ إمام عاشور: اللي بيتقال عنه مش حقيقي
تحدث عصام سراج الدين، مدير التعاقدات بالنادي الأهلي، عن إمام عاشور، مشيدًا بشخصيته داخل وخارج الملعب، ومؤكدًا أن اللاعب مختلف تمامًا عن الصورة التي يتم تداولها عنه.
وقال عصام سراج الدين: «الجمهور قدم تحية كبيرة جدًا لإمام عاشور قبل الماتش اللي فات، وهو يستحقها ويستحق أكتر من كده كمان».
وأضاف: «إمام لاعب كرة محترم، وفنيًا من اللاعبين الكبار جدًا اللي جم الأهلي، شخصيته محترمة جدًا ومؤدب وخجول جدًا، وكل الانطباعات اللي بتتقال عنه إنه متمرد أو بيتمارض كلام مش سليم خالص».
وتابع: «لما قربت منه ومن أسرته وأقاربه، لقيت إن الولد مختلف تمامًا عن اللي بيتقال عنه. اتقال عنه حاجات مش موجودة في شخصيته خالص، ووالده مدير مدرسة ومحترم ومصلي».
وكشف سراج الدين عن وجود تواصل مستمر مع إمام عاشور، قائلًا: «إحنا شغالين على الملف ده مع إمام، وأهم حاجة يبقى مركز في الملعب».
وأوضح: «دوري مش بس مقتصر على التعاقد والتجديد، لازم يبقى فيه تواصل إنساني واجتماعي، ولو فيه مشكلة اجتماعية أو حاجة بتشغل اللاعب وبتأثر على مستواه في الملعب، لازم كلنا نساعده».
وعن سياسة الأهلي في الصفقات، قال: «في صفقة محمود صلاح متخطيناش السقف اللي حاطينه لنفسنا، وإحنا مبنجبرش حد على حاجة، ومبنقولش إن سياسة النادي تُفرض على الأندية، لكن بنقول إن السياسة دي مصلحة للجميع».
وأضاف أن الأهلي يسعى لتقريب وجهات النظر مع الأندية في أسعار انتقالات اللاعبين، بهدف تحقيق توازن اقتصادي داخل الكرة المصرية.
