عصام سراج الدين يكشف كواليس صفقات الأهلي ويشيد بعدلي القيعي
تحدث عصام سراج الدين، مدير التعاقدات بالنادي الأهلي، عن كواليس عمله داخل القلعة الحمراء، وكشف عددًا من التفاصيل الخاصة بصفقات الفريق، خلال حواره مع قناة الأهلي.
وقال عصام سراج الدين: «مهندس الصفقات هو المهندس عدلي القيعي، مش أنا.. ده الأستاذ، وأنا اتعلمت منه كتير».
وعن ارتباط اسمه بالتعاقد مع علي معلول، قال: «لما نسمع اسم عصام سراج الدين نفتكر علي معلول، وعلي معلول ارتبطت علاقته شوية بالجمهور، وهو شخص محترم وجميل جدًا».
وأضاف: «كان عنده شرط جزائي في عقده، وإحنا عمرنا ما بنستخدم الشرط الجزائي ده، لأننا بنحترم علاقتنا مع كل الأندية، سواء محليًا أو خارجيًا».
وتحدث مدير التعاقدات بالأهلي عن أول صفقة له مع النادي، قائلًا: «أول صفقة ليا مع الأهلي كان قائد الأهلي الكابتن محمد الشناوي، وكان فيه مرونة من إدارة بتروجيت».
وأوضح: «وقتها كان عنده عرض من البرتغال، ولما قعدت معاه واتكلمنا، كان حلم حياته يرجع الأهلي، والحمد لله هو دلوقتي كابتن الأهلي».
وأشاد عصام سراج الدين بشخصية محمد الشناوي، قائلًا: «هو من الشخصيات الجميلة جدًا، وراجل وحاجة محترمة جدًا جدًا».
وكشف مدير التعاقدات بالأهلي عن أعضاء فريق الاستكشاف بالنادي، وقال: «معانا في تيم الاسكاوتنج كابتن أحمد أبو مسلم، نجم الأهلي، وكابتن نافع عبد الدايم، وكان من لاعبي الأهلي، وفيه ناس موجودة بره».
وتابع: «فيه كابتن شريف سالم بيشتغل رقمي أكتر، وحاجة بروفيشنال جدًا، وكابتن أبو مسلم ونافع عنيهم ثاقبة في اختيار اللاعبين».
