تفاصيل تجديد إمام عاشور.. وموعد مشاركته في المباريات مع الأحمر

كشفت الناقدة الرياضية ريهام حمدي عن كواليس وتفاصيل تمديد عقد لاعب الوسط إمام عاشور للنادي الأهلي، وذلك في تصريحات تليفزيونية مع الاعلامي إبراهيم عبد الجوادعبر قناة اون تايم سبورتس.

وقالت ريهام " اليوم اللي الأهلي أعلن فيه تجديد إمام عاشور حصل فيه جلستين مش جلسة واحده الجلسة الأولى كانت حوالي الساعه 6 او 7 ما بين وكيل اللاعب محمد كفته ودكتور عصام سراج تم الاتفاق فيها على كل تفاصيل العرض الأخير للأهلي للاعب وبعدها وكيل اللاعب مشي وقعد مع إمام قاله العرض الأخير واتفقوا فيه على كل حاجه والساعة 12 كانت الجلسة التانية وتم فيها التوقيع"

وتابعت “ كان الساعة 12 مساءا دكتور عصام سراج وإمام ووالده ووكيله محمد كفته والحقيقة كان فيه حرص كبير من الأهلي على سرية الموضوع لدرجة ان تليفونات الناس مكنتش موجودة في الجلسة وقالولهم محدش هيخرج من هنا غير لما نخلص كل حاجة ونعلن بشكل رسمي علشان الأهلي كان حابب انه يفاجئ الجميع بخبر التجديد”

وأضافت "ده اللي حصل بالفعل بعد اخبار كتير غير صحيحة عن تجميد اللاعب وعرضه على اتحاد جدة للبيع فالأهلي حب ينفي كل الكلام المتداول بالشكل ده 
واكملت "نقطه تانية هي اللي حسمت موضوع التجديد وهي مقدم التعاقد إمام حصل على مقدم تعاقد 10 مليون جنيه بالاضافة طبعا لجزء الاعلانات اللي اتقسم 70% للاعب و30% للاهلي 
واختتمت “بخصوص جاهزية إمام للمباراة الجاية هو لسه ممكن يكون بره المباراة وممكن يشارك في ماتش ودي علشان تجهيزة قبل المباراة القادمة”