أميرة فتحي: اليوجا خلتني رزينة وغيّرتني.. وكنت عصبية وغيورة جدًا
كشفت الفنانة أميرة فتحي عن تجربتها الشخصية مع رياضة اليوجا، مؤكدة أنها أحدثت تحولًا كبيرًا في حياتها، وساعدتها على التخلص من العصبية والتوتر، كما ساعدتها في الحفاظ على رشاقتها.
وقالت أميرة فتحي، خلال لقائها في برنامج "كلام الناس" مع الإعلامية ياسمين عز، المذاع عبر فضائية "MBC مصر": "أنا بطبعي عصبية جدًا، وكمان أنا برج القوس، وكنت غيورة جدًا لما أشوف حد بيعمل حاجة حلوة".
وأضافت: "قررت أبدأ أتعلم يوجا، وفعلاً فرقت معايا جدًا، خلّتني أهدى وبقيت رزينة وعاقلة، وكمان ساعدتني أحافظ على جسمي ورشاقتي.. وبقالي 5 سنين مستمرة عليها".
حلّت الفنانة أميرة فتحي ضيفة على برنامج "كلام الناس" مع الإعلامية ياسمين عز، والمُذاع عبر فضائية "إم بي سي مصر"، حيث تحدثت عن أسباب ابتعادها عن الساحة الفنية، وكشفت لأول مرة كواليس الفيديو المتداول لها في إحدى المناسبات.
حياة أميرة فتحي
وقالت أميرة فتحي إنها لا تخرج كثيرًا وتعيش حياتها ببساطة، موضحة: "أنا إنسانة طبيعية وبعيش بهدوء، لكن لما اتعزمت على فرح منتج صديقي، حصل اللي مكنتش أتوقعه، حد صورني من زاوية معينة، وعيب إننا ندي أمان لناس وتستغل ده بشكل سيئ".
وأضافت: "أنا كنت في الفرح يدوب، وفجأة لقيت الفيديو اتنشر والدنيا اتقلبت وبقيت ترند، والمشكلة إن السوشيال ميديا هدفها نسب المشاهدة بس، مش حقيقة الإنسان".
وتابعت قائلة: "اللي حصل خلاني أقرر أبطل طيبتي، وهيكون معايا بودي جارد في أي مناسبة بعد كده، علشان لو أي حد اخترق خصوصيتي، يعرفوا يوقفوه عند حده.. وده أبسط حقوقي".
ووجهت الإعلامية ياسمين عز مجموعة من النصائح الطريفة للسيدات، خلال حلقة برنامجها "كلام الناس" المذاع عبر فضائية "إم بي سي مصر"، بمناسبة الجولة الرابعة من الدوري المصري الممتاز.
الدوري المصري الممتاز
وقالت ياسمين عز: "لو جوزك بيتفرج على الماتش، بكرة سيبيه في حاله، وسيبيه يركز.. حضري له المقرمشات والمقبلات قبل الماتش، وبلاش تقعدي تسأليه أسئلة خزعبلية زي: بتحب الكورة أكتر مني؟ ولا أنا ووسام على؟".
وأضافت ساخرة: "ما تحطيش نفسك في مواقف بايخة، الراجل مش ناقص، هو عايز يتفرج على الماتش مش يدخل في نقاشات وجودية عن الحب والمقارنات".
وأعربت الإعلامية ياسمين عز عن استيائها من المظاهر المبالغ فيها في حفلات الزفاف مؤخرًا، واصفة بعض التقاليع الجديدة بـ"الخنفشارية" وغير المعبرة عن الهوية المصرية.
