سامح فهمي يكشف أصعب لحظاته في السجن: كنت عيان ورفضت الذهاب للمستشفى
روى سامح فهمي وزير البترول الأسبق، تفاصيل الفترة التي قضاها داخل السجن، كاشفا عن اهتمامه خلال تلك الفترة بإجراء دراسات دينية، من بينها دراسة عن أسماء الله الحسنى وأخرى عن الجنة، مؤكدا أنه كان يتمنى نشرها للعالم.
دراسة عن الجنة وأسماء الله الحسنى
وقال سامح فهمي، خلال حواره مع قناة «العربية»: «كنت بعمل دراسات دينية، يعني عملت دراسة لأسماء الله الحسنى، ودراسة على الجنة، كان نفسي أنشرها على العالم كله، عايز أوري العالم إن القرآن الكريم والدين الإسلامي أحلى حاجة فيه، إن أوريكي الجنة شكلها إيه، بس إنتي مش قادرة تفهمي هو بيقول لك إيه».
وأضاف: «كنت بشرح حتى الكلام ده للناس، فعملت دراسة حلوة جدا على الجنة ودراسة حلوة جدا على أسماء الله الحسنى ودي كانت بقى شغلتني قوي كنت أنا ودكتور يوسف والي الله يرحمه نقعد مثلا لغاية الساعة 4 الفجر نشتغل فيها من القرآن الكريم».
معاملة إنسانية داخل السجن
وتحدث وزير البترول الأسبق عن طبيعة الحياة داخل السجن، مشيرا إلى أنه تلقى معاملة محترمة من جانب عدد من مأموري السجن، رغم قسوة ظروف الاحتجاز، وللأمانة، لازم أشيد كان في كذا مأمور كلهم كانوا محترمين جدًا في السجن».
وعكة صحية شديدة
وأوضح أنه تعرض خلال وجوده في سجن برج العرب لوعكة صحية شديدة، قائلا: «كانت جت لي فترة عييت وأنا في سجن العرب، كنت عيان عيا جامد يعني».
وأشار إلى أن إدارة السجن أصرت على نقله إلى المستشفى، لكنه رفض، قائلا: «مش هروح مستشفى مقيد بالأغلال وحد يشوفني، أنا أفضل أموت إن حد يشوفني بالمنظر».
وتابع: «قالولي طب نجيب لك الدكاترة وتتعالج في السجن فعلا جابوا لي الدكاترة في مستشفى السجن وتعالجت بس المعاملة كانت كويسة جدا».
وأضاف أن أحد مأموري السجن كان يحرص على زيارته صباحا وإحضار الصحف له والجلوس معه لتناول القهوة أو الشاي في الحديقة، قائلا: «كان يصمم يجيلي الصبح يجيبلي الجرايد ويشرب معايا قهوة وشاي، ونقعد في الجنينة عشان يطلعني من الجو».
وأكد: «الحقيقة لا شوفنا معاملة محترمة جدا بس مش بورتو وبتاع، لا، يعني هي محترمة إنسانيا لكن طبعا السجن سجن والظروف اللي فيه قاسية جدا طبعا».
سامح فهمي يكشف قصة القط «مشمش» داخل السجن
كما كشف سامح فهمي عن تعلقه بقط أطلق عليه اسم «مشمش» داخل السجن، مؤكدًا أن القط أصبح بمثابة شخصية شهيرة بين المسجونين، قائلا: «ده مشمش، ده كان الملك بتاع السجن إحنا لقينا قط اسمه مشمش فأنا أصلًا كان في البيت عند أمي وأبويا، الله يرحمهم، قطط، فأنا تبنيت مشمش».
وتابع: «دكتور زكريا عزمي برضه، ربنا يدي له الصحة، كان يستنى الأكل ييجي عشان يوكل مشمش».
واختتم حديثه عن القط قائلا: «أديكي يعني شخصيات مهمة جدًا، أصبح مشمش ده أسطورة جوه السجن، وييجي بالليل يطلع ينام فوق القمر بتاعنا كمان. كان قط جميل جدًا جدًا، فلا، كانت قصة مشمش ط...».
