كاتيا ابنة الفنان لطفي لبيب: عمره ما فاته ماتش للنادي الأهلي
تحدثت كاتيا، ابنة الفنان الراحل لطفي لبيب، عن علاقتها بوالدها والذكريات التي لا تزال تجمعها به، مؤكدة أن أكثر ما يميز شخصيته بالنسبة لها كان المحبة التي كان يمنحها لكل من حوله.
وقالت «كاتيا»، خلال لقاء ببرنامج «الستات»، على قناة «النهار»، عن النصيحة التي ظل والدها يكررها لها، خاصة قبل زواجها ودخولها إلى بيت وعائلة جديدة: "بابا كان دايما يقولي قدمي محبة، خلي بالك، دي أحلى نصيحة على فكرة، ودي النصيحة دي قالها لي وأنا بجوز، ودخل بيتي وإنسان جديد وعيلة جديدة، عيلة جوزي".
وأضافت كاتيا، موضحة تفاصيل النصيحة التي قدمها لها والدها: "فكان دايما دي النصيحة للدهاني، قال لي كل حتة تروحيها تبتدي تقدمي محبة، عمرك ما دخلتي في خناقة بينك وبين جوزك أو مامتك، عمرك ما رحتش تشتكي".
وكشفت كاتيا عن اهتمام والدها بألا تتطور أي مشكلة تخصها خلال فترة خطوبتها، قائلة: "هو اللي قال لي في القليل يعني وإحنا مخطوبين، قال لي ما يحصل أي مشكلة أنا عايز أعرف عنها حاجة".
وتحدثت عن إحدى العبارات التي كان والدها يرددها داخل المنزل، مؤكدة أنها تركت أثرا خاصا في نفسها، وقالت: "كان بابا بيقول حاجة، مفيش حاجة مهينة بابا، عشان إحنا كنا قاعدين مع بعض في البيت، فكان دايما كان عنده جملة دايما يندهنا بيها، هي حاجة عادية، بس كانت بتفرق معايا".
وأضافت: "أو لما كان في حد فينا يدخل يقوله إيه يا غالي، يا غالي، فيا غالي دي كان بابا جدا، وكان لما حد يدخل عليا عادي القوضة، إيه أنت جاي يا غالي".
وأكدت كاتيا أن كلمة "يا غالي" أصبحت من أكثر الكلمات ارتباطا بوالدها بالنسبة لها، موضحة: "فكلمة دي لذيذة، يعني كلمة دي حلوة، وكان دايما مليان محبة وفرفوش".
واختتمت كاتيا حديثها عن والدها بوصف شخصيته قائلة: "هو كان حتة محبة، بابا كان بيوزع محبة جدا، صفة تصف بابا بجد، غير إن هو لطيف ولي نصيب من اسمه، إن هو كان مليان محبة، وما كانش بيزعل حد".
وأضافت: "وكان حقيقي ما كانش فيك، لو حب حد أوكي، محبش حد، الحد اللي بابا محبوش ده مش هيبقى في حياته، بس مش هاي عادي، هايكونة محبة وغالي، وحيفضل غالي، ولي من اسمه كل النصيب، لطف كده روح لطيفة بتمشي على الأرض وهتفضل موجودة معانا وعمرها ما هتغيب".
