قصة بتر أصابع شاب بسلاح أبيض داخل كمبوند شهير بـمدينة 6 أكتوبر
شهد كمبوند شهير بمدينة 6 أكتوبر واقعة مؤسفة بعدما تعرض شاب لاعتداء عنيف من قبل عدد من الشباب، ما أسفر عن إصابته بإصابات بالغة تسببت فى بتر اصبعه بعدما تدخل للدفاع عن شقيقته حيث قام الجناه بمعاكستها أثناء سيره معها متوجهين إلى السوبر ماركت لشراء بعض احتياجات المنزل.
وقالت والدة المجني عليه، في استغاثة مؤثرة عبر الفيس بوك "اللي في الصورة دا زياد ابني عمره" ( 15 سنة).
و أضافت: "زي كتير من الناس دلوقتي فكرت اني أخد ولادي ونسكن في كومباوند راقي عشان نعيش في هدوء وأمان. لكن للأسف بعد كام يوم على انتقالنا لواحد من أقدم و أعرق الكومباوندز بمدينة ٦ اكتوبر مرينا بتجربة قاسية جدآ ربنا يحفظ اولادكم منها".
وتابعت "إبني زياد نزل هو واخته يوم 26 إبريل يشتروا حاجات من السوبر ماركت الموجود داخل الكومباوند، وللأسف مجموعة من الشباب من الجيران عاكسوا البنت امام اخوها وشدوا شعرها فابنى اتصل بيا نزلت جري ورحت قلتلهم ميصحش وانتوا جيران واخوات وخدت ولادي وروحت.. بعدها بيومين زياد نزل لوحده رايح السوبر ماركت الولاد دول قابلوه وواضح انهم كانوا منتظرينه يكون لوحده و اتريقوا عليه واستفزوه بكلام مش محترم و راحوا مطلعين سنجة و نازلين بيها على راسه حاول يفادي نفسه صوابعه اتقطعت.. جرينا بيه عالمستشفى في محاولة لانقاذه و زي ما هو موجود في التقرير الطبي رايح بقطع صوباعين ووتر".
وأضافت "روحنا طبعآ عملنا محضر و هنمشي في اجراءاتنا بس الي عرفناه من الجيران والأمن ان دي مش أول واقعة وان المتهمين معروفين بالإسم في الكومباوندو بسببهم السكان بقوا بيخافوا يقربوا بالليل من منطقة تجمعهم عند السوبر ماركت".
وناشدت الأم رجال الأمن بضبط المتهمين الذين تسببوا فى إصابات بالغة لنجلها و إصابته بعاهة مستديمة.
