ميمي جمال تهاجم ابنة رشوان توفيق: «ازاي بعد العمر ده تطالبي بميراثك وهو عايش»

أعلنت الفنانة ميمي جمال أنها قامت بكتابة جميع ممتلكاتها لأبنتيها نورة ونجلة، مؤكدة أن هذا القرار جاء بسبب عدم إنجابها لولد.

معنديش ولد وكتبت أملاكي لبناتي

وقالت «ميمي»، خلال لقاء ببرنامج «الستات»، على قناة «النهار»: «عملت كده عشان ما عنديش ولد.. أي حاجة بتبقى عندك لما بتكوني ما عنديكيش ولد بتبقى مشاع".

وأضافت: "هما دلوقتي البنتين اللي حلتي من الدنيا.. كل تعبي وشقايا لعمر ده كله هل هاخده معايا؟.. متابعة: «محدش بياخد حاجة معاه».

وأشارت إلى أنها فضلت أن يتمتعوا بميراثها وهم على قيد الحياة بدلا من انتظار ما بعد وفاتها، قائلة: "على الأقل ولادي يتمتعوا باللي أنا عايزة أدهولهم بدل ما أدهولهم بعد ما ربنا يفتكرني".

تعليقها على النزاع القضائي بين الفنان رشوان توفيق وابنته

وانتقدت ميمي بعض الحالات التي ظهرت مؤخرا لأبناء يطالبون بحقهم في ميراث آبائهم وهم على قيد الحياة، في إشارة إلى أزمة الفنان رشوان توفيق، قائلة: “لا لا.. ده حرام.. ازاي الأولاد ما يحسوش بتعب أبوهم وأمهم العمر ده كله.. وبعد ما يكبر ييجي زي ما حصل مع حبيبنا الأستاذ رشوان توفيق يطالبوا بحقهم.. أنا زعلانة عشانه قوي.. ربنا يديه الصحة»، متابعة: انت مين عشان تعملي كده؟ لحد دلوقتي ما شوفتش شقى أبوك وتعبه ده كله.. وجاية النهاردة تتكلمي في حقك؟
أنا من حقي إني أدي ميراثي للي أنا عايزاه.. وأنا لسه عايشة ما متش».

وأكدت أن علاقتها ببناتها قوية جدا، وأن التربية الصحيحة تجعل الأبناء "يمنولك كل خير" ولا يفكرون في المال.