منال سلامة ترد على متابعيها: "بمثل من وأنا طفلة عشان كده فاكرني كبيرة"
حرصت الفنانة منال سلامة على أن ترد على أحد أسئلة متابعيها، التي أراد معرفة من متى بدأت منال سلامة تمثيل، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.
منال سلامة ترد على سؤال متابعيها
حيث قالت منال سلامة: “بمثل هواة من وأنا طفلة، واحتراف من وأنا عندي 16 سنة عشان كده فاكرني كبيرة لأني بدأت صغيرة فعملت أدوار كتير”.
نصائح للمقبلين على الزواج
في سياق آخر، قد خرجت الفنانة منال سلامة لتقدم نصائح للمقبلين على الزواج في كيفية اختيار شريك الحياة، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.
حيث قالت منال سلامة معلقة: “هالو، خطر على بالي شاب لطيف، دخل ليا على السوشيال ميديا، قالي أنا داخل على خطوبة بس خايف تنصحيني بأيه، فقولت أنصحه بشوية حاجات المودة والرحمة أساس أي علاقة مش شرط الخطوبة أو الجواز، وكمان شوف العيلة، العيلة بتتجوز عيلة، مش شخص بيتجوز شخص علفكرة، لأن العيلتين لو مكنش في بينهم توافق ومودة ورحمة هما كمان الحياة هتبقى منغصة جدًا عليهم، وابني أنصحه اخطب حماتك واتجوز مراتك، بمعنى شوف حماتك بتتصرف في بيتها أزاي، لأن دي هتوريك مستقبلك مع مراتك، بنتي أنصحها شوفي اللي بتحبيه ده أو اللي هترتبطي بيه، بيعامل أمه ازاي، لو بيعاملها ببر وتقوى ورحمة، هيعاملك كده لأن اللي بار بأمه هيبقى بار بيكي، وفي نفس الوقت ميبقاش ابن أمه، يعني متبقاش أمه اللي بتمشيه”.
الأزمة الراهن التي يمر بها الشرق الأوسط
في سياق منفصل، قد وجهت الفنانة منال سلامة، رسالة للذين ينتهزون فرصة الأزمة الراهن التي يمر بها الشرق الأوسط، عبر حسابها الرسمي على موقع تبادل الصور والفيديوهات الشهير "إنستجرام".
وظهرت منال سلامة، في مقطع فيديو، وقالت خلاله: "أغنياء وتجار الحرب عبر العصور في الأزمات بيفتروا، رجاء نخف على بعض ونرفق بالناس، الغلبان هيجيب منين ؟!".
وأضافت منال سلامة، قائلة: "اللي كان بيكسب 1000 جنيه محصلش حاجة لو بقوا 800 جنيه، الشركات اللي بتكسب مليار مجراش حاجة لو بقوا مليار إلا!"
واختتمت منال سلامة، قائلة: "الموقف العالمي صعب ولو متكاتفناش هنبقى في أزمة كلنا الغني والفقير".
