"أكوي البيجامة.. ياسمين عز تنصح السيدات: "اهتمامك بجوزك في الحلم أهم من الواقع

قالت الإعلامية ياسمين عز، خلال حلقة اليوم من برنامجها "كلام الناس" المذاع على قناة "إم بي سي مصر"، إن اهتمام الزوجة بزوجها يجب أن يمتد حتى إلى تفاصيل نومه، قائلة: "ياريت تكوي بيجامة جوزك قبل ما ينام.. هو هيروح بيها الحلم مكسّرة؟ الناس هناك هيقولوا علينا إيه؟".

نصائح ياسمين عز للسيدات

وأضافت ساخرًة: "أنا مش مراته.. إنتي مراته.. عايزة تضحكي الناس علينا؟ مش هو اللي ملبسك الغوايش اللي بتشخلل؟"، مؤكدة أن اهتمام الزوجة بمظهر زوجها في الحلم لا يقل أهمية عن اهتمامها به في الواقع.

دعت الإعلامية ياسمين عز الفتيات إلى الاهتمام بالعناية بالمنزل وبشريك الحياة، مؤكدة على أهمية تصرفات بسيطة يمكن أن تساهم في تحسين العلاقة الزوجية.

الحياة الزوجية 

وقالت: "قومي أعملي قراقيش لزوجك، وشوفي نواقص البيت، ودلعيه بكلام حلو وقولي لجوزك أن النواقص أجبان وألبان، هيديكي فلوس، وبكدا هيعود عليك بفايدة ليكي ولعيالك. كما نصحت ياسمين عز بالتعامل بلطف ولباقة مع أهل الزوج، مضيفة: " لما تتكلمي مع سلفتك وحماتك لازم برقة وزوق ودلال، وهتباتوا مع بعض "مش قادرة أقوالك أجواء حميمية وهتكلوا سبانخ ومولوخية، وأجواء كرتونية هيحبها جوزك.
العلاقة مع أهل الزوج

وفيما يتعلق بالعلاقة الزوجية: "دمعتك هتبقى غالية على زوجك، لما تننزل منك دمعة جوزك هيمسها بالمصري أو بالدولار أيهما أقرب، مش بيقولك دمعتك غالية عالية، بس بكام؟، كلامك الحلو ليه كل شوية ببلاش مش بفلوس بس هيعمر بيتك، وكل دمعة هتكون بفلوس فعمره مهيزعلك تاني وهتبني ثروة.

وقدمت الإعلامية ياسمين عز نصيحة مثيرة للنساء اللاتي يخططن لاستقبال خطيبهن في عيد شم النسيم. وكعادتها في تقديم النصائح بطريقة طريفة وممتعة، شددت ياسمين على أهمية "الاستعداد" لهذا اليوم الخاص.

وقالت عز في تعليقها: "لو خطيبك جاي يزوركم في شم النسيم، لازم تعملي عالسفرة 20 صنف، عشان تكون الزيارة مميزة وفيها كل اللي يتمنى خطيبك يجده من أطعمة."

وأشارت إلى أهمية أن يكون الاستقبال مميزًا بكل التفاصيل، قائلة: "ترشيليه في مدخل البيت وهو داخل بماء ورد من عند العطار أو ماء زهر من لبنان، عشان يحس إنك مهتمة بأدق التفاصيل".