بعد أنباء إيقافه بسبب الأداء العلني..
أمير رمسيس: "فيلم قبل الفرح بيوم خريفي شتوي وتحضيره ممتد لنوفمبر القادم" |خاص
كشف المخرج أمير رمسيس عن حقيقة الأنباء المتداولة عن إيقاف تحضيرات فيلم قبل الفرح بيوم، وذلك من خلال تصريحات خاصة لـ موقع نيوز رووم.
إيقاف تحضيرات فيلم قبل الفرح بيوم
حيث قال أمير رمسيس في تصريحاته: “التحضيرات شغالة، والاتفاقات النهائية مع الممثلين تمام، البند بس الخاص بحقوق الأداء العلني زي أي عمل حاليا في انتظار ما ستتفق عليه الغرفة والنقابات خلال أيام لوضعه في العقود اللي حاليا في مرحلة الانتهاء منها، ومافيش خلافات طرأت مع الممثلين بخصوص هذا البند، والتحضيرات الإنتاجية شغالة عادي”.
تفاصيل فيلم قبل الفرح بيوم
وأوضح أمير رمسيس تفاصيل تحضيرات فيلم قبل الفرح بيوم، حيث قال: “احنا اصلا أول الاسبوع الجاي بنعمل أنا ومدير التصوير تستات الكاميرا الجديدة احنا والانتاج اللي هنصور بيها الفيلم و اختيار مواقع التصوير، يمكن بس الناس مش عارفة أن الفيلم فيلم خريفي / شتوي فمرحلة التحضير ممتدة علي الاقل لشهر نوفمبر المقبل”.
أمير رمسيس يوضح مقصده من تصريحه عن ذوي الهمم
وفي سياق آخر، قد خرج المخرج أمير رمسيس عن صمته ليعلق على الجدل المثار مؤخرًا بسبب تصريحاته عن ذوي الهمم، وقد أوضح مقصده من هذا التصريح في تصريحات خاصة لـ موقع نيوز رووم.
حيث قال أمير رمسيس في تصريحاته: "أنا منشوراتي كان قصدي بيها الدفاع عن ذوي الهمم ولكن حصل سوء استخدام وفهم ليها، أنا السنة اللي فاتت كنت عايزهم يشاركوا في أعمال فنية وكان المجلس هو اللي بيصنفهم وبيقول مينفعش يعملوا الدور الفلاني، ومعايا فيديو وسكرين شوتس هتطلع في وقتها، عيب أن مؤسسات الدولة تسيئ أستخدام نظام الدولة، وأنا هتحرك إعلاميًا وهصدر بيان بعد قليل أوضح فيه كل ده، يعني أنا طلعت وهاجمت اللي بيسموا الكلاب، وكنت بشبه اللي بيحصل دلوقتي بالواقعة اللي حصلت أيام هتلر مش معنى كده أني بدعو لده، والناس من ذوي الإعاقة أنا اعرفهم ولما سمعوا اللي اتقال مع عمرو أديب قالولي اللي أنت قولته مالوش علاقة باللي المجلس بيقوله، والمجلس بيقصر في حقوق كتير من ذوي الهمم ومعايا أدلة على ده".
