إيمان الأباجوري لـ ملكة التريندات: مفيش راجل حقيقي هيطلب من ست تصرف عليه

أكدت إيمان الأباجوري استشاري العلاقات، أنها لا ترى مشكلة في الوقوف بجانب زوجها ومساندته، قائلة: «معنديش مشكلة أقف جنب جوزي ولو في مشكلة كمان ممكن أبيع دهبي علشانه وأساعده لكن من نفسي إنما لو هو طلب هرفض لأنه كده مش راجل وعايزني أصرف عليه».

مينفعش الراجل يشترط على البنت إنها تصرف

وأضافت، خلال استضافتها في برنامج «ملكة التريندات» المذاع عبر نيوز رووم، مع الإعلامية سارة مكي: «مينفعش الراجل يشترط على البنت إنها تصرف عليه ده كده مش راجل».

شغل الست بعد الجواز بالاتفاق بين الطرفين

وواصلت: «لازم يكون في اتفاق بين الطرفين مينفعش راجل يتفق مع الست إنها هتشتغل وبعد الجواز يقول لأ، لو عايز واحدة مش بتشتغل من البداية اختار واحدة بتشتغل».

وعن مواصفات رجل أحلامها، قالت: «مش هوافق براجل مستواه مش مناسب ليا سواء مادي أو اجتماعي.. لازم يكون معاه منصب أو فلوس ويكون متفاهم ويقدر يخطفني ويكون في بيننا مشاعر».

وخلال الحلقة، وجهت الإعلامية سارة مكي، مقدمة البرنامج، سؤالا إلى إيمان الأباجوري بشأن موقفها إذا اشترط عليها العريس تقليل تكاليف مستحضرات التجميل وشراء فستان زفاف بإيجار منخفض التكلفة.

أهمية التعبير عن المشاعر بالنسبة لها.. الجوازة لازم يبقى عقلي وقلبي موافق عليها

وأكدت إيمان الأباجوري أن الرجل الذي تقبل الارتباط به لا يمكن أن يطرح عليها مثل هذا العرض.

وقالت إيمان الأباجوري إن موقفها سيكون واضحا في هذه الحالة، قائلة: «لو عريس متقدم لي، هقول له: عيد الجملة تاني»، موضحة أنه إذا أصر على عدم توفير فستان مناسب لها، فسترفض الارتباط به، مضيفة: «مفيش إيمان، مع السلامة».

اختيار شريك الحياة بالنسبة لها لا يعتمد على الحب 

وأوضحت أن اختيار شريك الحياة بالنسبة لها لا يعتمد على الحب أو الوضع المادي فقط، وإنما يجب أن تتوافر عدة عوامل معًا، قائلة: «الجوازة لازم يبقى عقلي وقلبي موافق عليها، ما ينفعش عقلي بس وما ينفعش قلبي بس».