تامر عبد المنعم يشيد بالكاتب أحمد صبري بعد كشف مفاجأة واقعة فتاة الصلاة

علق الإعلامي تامر عبد المنعم على تطورات واقعة فتاة الصلاة داخل أحد المطاعم بالمول، وذلك بعد نشر الكاتب الصحفي أحمد صبري، رئيس تحرير موقع "نيوز رووم"، فيديو لوالد الفتاة، مشيرا إلى أن الفيديو أثار مفاجأة بالنسبة له، وربط بينه وبين ما سبق أن تحدث عنه بشأن تكرار الوقائع المرتبطة بالدين على مواقع التواصل الاجتماعي.

نشر موقع نيوز رووم

وقال تامر عبد المنعم: "امبارح اتكلمت على موضوع صاحبة واقعة الصلاة، كان معايا الكاتب الصحفي أحمد صبري باشا وقال تكرار وقائع الدين على السوشيال ميديا فيها ريحة مش كويسة".

وأضاف خلال حديثه: "والد البنت ندى متولي عبد العزيز يهتف ضد البلد والجيش، كنت حاسس من الأول إن في ريحة خرفاني في الموضوع".

وأوضح تامر عبد المنعم أنه تحدث في اليوم السابق عن واقعة السيدة أو الفتاة صاحبة واقعة الصلاة في مطعم بالمول، وكان برفقته الكاتب الصحفي أحمد صبري، الذي تحدث عن تكرار وقائع الدين على مواقع التواصل الاجتماعي.

صاحبة واقعة الصلاة في مول شهير

وقال: "امبارح كنت اتكلمت على موضوع السيدة أو الفتاة صاحبة الواقعة بتاعة الصلاة في مطعم المول الشهير، وكان معايا الكاتب الصحفي الكبير أحمد باشا، واتكلم إن تكرار وقائع الدين على السوشيال ميديا فيها ريحة مش كويسة، فيها ريحة كده عفنة".

وتابع: "النهارده في مفاجأة صادمة في نفس الموضوع، وصادمة ليا أنا شخصيا، بس فرحت لروحي وهكافئ روحي بما إني عامل دايت وهاكل النهارده".

وأشار إلى أن أحمد صبري نشر عبر صفحته فيديو لوالد ندى، موضحا: "الزميل الصحفي الكبير أحمد صبري رئيس تحرير موقع نيوز رووم نشر على صفحته فيديو لوالد ندى، مين ندى؟ ندى اللي هي البنت اللي هي صاحبة الواقعة، ندى متولي عبد العزيز".

نشر فيديو لمتولي عبد العزيز

وأضاف: "نشر فيديو لمتولي عبد العزيز، أوريكم صورة منه، إن مش عايز أنشر هذا الفيديو، بصوا كده الصورة دي".

وتابع متحدثا عن الفيديو: "أنا قاعد مش ده متولي عبد العزيز بيعمل إيه بقى؟ ده بيهتف ضد البلد والجيش، وأنا مش قادر أعرض اللي كاتبه والجيش، وكان بيعمل بصوابع وحاجات كده، أربع صوابع كده".

وقال تامر عبد المنعم إنه كان لديه شكوك منذ بداية الواقعة، مضيفا: "أنا كنت قايل من الأول لما قالوا لي ما تقولش الموضوع ده، قلت لهم لا أنا هقوله، أنا بشم في ريحة خرفاني في هذا الموضوع، في تقليب، في فتنة، في اختبار، في جس نبض".

ووجه تامر عبد المنعم رسالة إلى ندى، قائلا: "بس عايز أقول لك يا ندى ثاني وثالث وعاشر، أنا على فكرة بدور على مدير المطعم ده، لدرجة إني عاوزه، أنا عاوزه يتكلم معايا ويحكي لي قصته وييجي هنا في البرنامج، بس فشلت، يمكن بكرة".

عايز أقول انت قطعتي عيش واحد يا ندى

وأضاف موجها حديثه إلى الفتاة: "عايز أقول انت قطعتي عيش واحد يا ندى، يا بنت متولي، قطعتي عيش واحد بلا سبب".

وتابع: "ويمكرون ويمكر الله والله خير الماكرين، مفيش حد هيعمل لعبة دنيئة باسم الدين وربنا مش هيكشفه".

واستطرد تامر عبد المنعم في انتقاد الواقعة، قائلا: "قال عايز أصلي، أما أقف أصلي هنا، أقف كده أصلي كده في الفسحة، واختلق مشكلة، ومين هييجي يقول لي بقى ما تصليش ولا ما تروحي المصلى يا ندى؟ ولا هي تلاكيك؟".

وتحدث تامر عبد المنعم عن صورة والد الفتاة التي ظهرت في الفيديو، قائلا: "بابا ده؟ وريني كده بابا، وريني يا ابني بابا، أهو بابا، أهو".

ويمكر الله والله خير الماكرين

وأضاف: "والله ما كانش نفسي إن ده يطلع أبوكي، يا ريت ما يطلعش أبوكي، بابا قبح، ده مش ده بابا قبح؟ وإيه اللي معاه دول؟ الواد ده مركب دقن ولا عنده دقن؟ اللي على الشمال ده، ده بهدلها، قطعها بالموس لغاية ما طلعت له كده أهو، وضرب بودرة فيها".

وتابع: "أدي الأشكال، والله 30 يونيو دي الواحد المفروض يعمل لها حلاوة برده، يعني الاحتفال بـ30 يونيو دي لازم يبقى فيه حلاوة بنفرقها على بعض، زي كده حلاوة المولد، زي الشيكولاتة بتاعة الكريسماس، زي عاشوراء، ده لازم".

واختتم تامر عبد المنعم حديثه بالعودة إلى واقعة فتاة الصلاة، قائلا: "ويمكرون ويمكر الله والله خير الماكرين، هتقطعي عيشه يا ندى، تقطعي عيشه يا ندى، حسبي الله ونعم الوكيل".