أحمد عبد الرحيم إيشو يعلن توقيعه على عقده الجديد مع الزمالك

أعلن أحمد عبد الرحيم “إيشو” لاعب الفريق الأول لكرة القدم بنادي الزمالك، موافقته على تمديد عقده مع الزمالك خلال الفترة المقبلة.

وكان عقد إيشو مع الزمالك انتهى بنهاية الموسم المنقضي 2025-2026، وبات لاعبًا حرًا بإمكانه الانضمام لأي فريق، قبل أن يعلن اللاعب موافقته على العقد الجديد مع الزمالك.

وكتب إيشو، عبر حسابه على “فيس بوك”: “اليوم مش مجرد توقيع على عقد جديد، لكنه تأكيد على حكاية عمرها ما كانت مرتبطة بورقة أو رقم، الزمالك هو المكان اللي بدأت فيه أول خطوة في مشواري، والنادي اللي اتعلمت فيه معنى الانتماء، وقد إيه القميص ده له قيمة ومسؤولية كبيرة و فضل كبير عليا”.

وأضاف: “طول الوقت كنت مؤمن إن واخد القرار الصح و ال اي حد يتمناه وعشان كده، كان هدفي إني أكمل في المكان اللي بحبه، وسط جمهور عمره ما كان مجرد جمهور بالنسبة لي، لكنه جزء من كل لحظة عشتها داخل النادي”.

وأكمل: “وفي زمن بقت فيه الشائعات أسرع من الحقيقة، أتمنى إن محدش يصدق كل كلمة بتتكتب أو تتقال على السوشيال ميديا، لأن الحقيقة عمرها ما كانت كلها هناك، اللي يعرفني بجد، عارف أنا مين، وعارف قد إيه الزمالك بالنسبة لي حاجه كبيره و بيتي فعلا الاتربيت فيه وإن انتمائي عمره ما كان بالكلام”.

وأنهى: “الحكاية مستمرة… وإن شاء الله اللي جاي يكون أجمل و احسن ، وأقدر أرد جزء بسيط من حب وثقة جمهور الزمالك داخل الملعب، لأني في الآخر واحد منكم، وفخور إني كبرت وسطكم”.