فرح يوسف عن الزلزال: «دخلت أوضة بنتي بمنتهى الهدوء وكنت مستعدة أخرجها»

كشفت الفنانة فرح يوسف تفاصيل اللحظات الأولى التي عاشتها أثناء الزلزال الذي ضرب البلاد خلال الأيام الماضية، مؤكدة أن التجربة كانت مرعبة بسبب قوة الهزة وطول مدتها، خاصة أنها حدثت في وقت مبكر من الصباح.

وقالت فرح يوسف، خلال لقائها عبر برنامج «أسرار النجوم» مع إنجي علي المذاع على قناة نجوم إف إم: «حديث الساعة في الفترة أو اليومين اللي فاتوا كان الزلزال اللي حصل، آه ما تفكرينيش».

وأضافت: «كنت فين بتعملي إيه وكنت عاملة إزاي وقتها، يعني مضطرة إن أنا أتكلم طبعا لأن كل الناس، وكل الناس اللي بتسمعنا دلوقتي طبعا كانت صاحية الساعة 4 الفجر، والزلزال كان مرعب وكان طويل».

وتابعت: «كان مرعب جدا، كان مرعب جدا وكان طويل وكان صوته».

تصرفها وقت وقوع الزلزال

وعن تصرفها وقت وقوع الزلزال، أوضحت فرح يوسف: «السؤال ده مناسب قوي لأن أنا عملت حاجة غريبة جدا، أولا أخدت بالي إن في زلزال من أول لحظة».

وأضافت: « قمت بمنتهى الهدوء اتحركت، دخلت أوضة بنتي كانت نايمة، حاولت سحبت التليفون في إيدي ومخدة، عشان بصي بفكر ده كل ده في كم ثانية بتوع الزلزال بمنتهى الهدوء من غير ما بجري».

واستكملت: «فتحت باب البلكونة، إحنا أرضي، وفضلت جنبها أراقب الدنيا بيحصل فيها إيه عشان في اللحظة أخدها وأخرج».

وأشارت الفنانة إلى أن هدوءها كان نابعا من رغبتها في حماية ابنتها، قائلة: «يعني قبل كده افتكر لما حسينا بزلازل وحضرت زلزال 92، بانك طبعا مش معقول، يا إما الواحد بيبقى فريز مش عارف يتحرك، يا إما بيبقى بيجري في كل حاجة».

وأضافت: «لا أنا حسما تماما، أهدى، الواحد بيبقى خايف يتحرك بسرعة مع الهزة بيتهز أكتر، أنا عايزة أبقى هادية عشان أعرف أتصرف وأحاول أحميها لو حصل حاجة طبعا».

واختتمت فرح يوسف حديثها بالدعاء قائلة: «إن شاء الله ربنا يحمينا كلنا، ويا رب يبعد عننا كل حاجة وحشة، يا رب بجد. هو إحساس وحش وصعب جدا على كل مصر، ومصر كان يوم صعب قوي، كان يوم صعب».