تحتاح 10 جراحين.. الدكتوروسيم السيسي يكشف عن أخطر عملية في العصر الفرعوني
قال الدكتور وسيم السيسي، الطبيب والمفكر والباحث في علم المصريات، إن الطب المصري القديم سبق الطب الحديث في العديد من المجالات الجراحية والعلاجية، مؤكدا أن الاكتشافات الأخيرة في المتحف البريطاني أثبتت أن قدماء المصريين كانوا يجرون عمليات تثبيت للركبة بمسمار حلزوني مطابق لما يستخدمه الجراحون اليوم، وذلك منذ أكثر من 4000 سنة.
براعة المصريين القدماء في الطب
وقال «السيسي»، خلال لقاء على منصة «زدني بودكاست»: "في موميا موجودة في المتحف البريطاني، ومن 5 سنين فكروا أنهم يصوروها بأشعة إكس، فكانت المفاجأة العلمية هي أن تثبيت الركبة بمسمار حلزوني له أجنحة قصيرة عشان ما يلفش في داخل النخاع بتاع العظم".
أخطر عملية في العصر الفرعوني
وأوضح السيسي أن هذه العملية خطيرة جدا ودقيقة، مضيفا: "أحد الزملاء في جامعة عين شمس بيقول لي إن يوم ما العملية دي بنعملها بيبقى 10 جراحين يقفوا يتفرجوا عليها، لأن المسألة مش زي ما انت فاكر، المسمار ده من عظمة الفيمر اللي هي بتاعه الفخذ تنزل على تحت، لا دي تكون في التيبيا اللي هي العظمة بتاعت الساق، ثم يتفرد سنتي سنتي عشان يدخله في العظمة اللي فوقها، فالعمليه دي خطيره جدا ودقيقه جدا".
المصريين القدماء برعوا في التخدير
وتابع السيسي قائلا: "أهم حاجه إنها تدل على أن مصر وصلت للبنك العمومي التخدير العام، ما تقدرش تحط مسمار كبير زي ده في داخل النخاع بتاع العظم إلا إذا كان المريض واخد بنك عمومي، فالشيء الجميل إن أحد كبار جراحي العظام في انجلترا قال: لو كنا عملنا الاشعه دي على هذه الموميه وهي عندنا من 100 سنة فاتت في المتحف البريطاني، يعني لو كنا عملناها من 50 سنة فاتت فقط، كانت وفرت علينا عناء تطوير المسمار اللي احنا وصلنا له دلوقتي وهو هو نفسه المسمار الحلزوني صاحب الأجنحه القصيره اللي مصر كانت بتعمله من 4000 سنه مضت".
صناعه الادوات الجراحيه
وأضاف: "يعني حتى صناعه الادوات الجراحيه نفسها كانت موجوده على الجداريات بتاعه كومبو، كافه انواع الالات الجراحيه، ان كانت مشارط، ان كانت جفت، ان كانت مناظير، بس مش مناظير بالاضاءه، لا مناظير يعني تقدر تشوف بيها الداخل، فمصر كانت متطوره جدا جدا، ويكفي التطور العظيم بتاعها في جراحه العيون على سبيل المثال".
تفوق المصريين القدماء في جراحة المخ
انتقل السيسي للحديث عن جراحة المخ، وقال: "اي حد يقدر على النت يقدر يطلع ازاي ديلي ميل جريده الديلي ميل البريطانيه بتتقدم بالشكر لمصر القديمه واطباء مصر القديمه، جايبين صوره بيتر هاتشنسون وده رئيس قسم المخ والاعصاب في اكبر مستشفى في كامبريدج اسمها إيدن بروكس هوسبيتال".
