«على الهوا منقدرش نتصرف».. عمرو خفاجي: لم أكن جزء من أزمة بث محاضرة التوريث
كشف الإعلامي والصحفي عمرو خفاجي، عن كواليس لقاءه بالصحفي الكبير محمد حسنين هيكل، مؤكدا أنه بالرغم من توليه منصب رئيس قناة دريم، إلا أنه لم يكن طرف في الأزمة التي طالت محمد حسنين هيكل بسبب محاضرة الجامعة الأمريكية التي بثتها شاشة دريم، والتي تناول فيها هيكل فكرة توريث السلطة.
تفاصيل بث محاضرة التوريث
وأوضح، خلال استضافته في بودكاست «حقك تعرف» مع عادل حمودة: « مكنتش طرف في أزمة إذاعة دريم للبث المباشر لمحاضرة توريث السلطة اللي قدمها هيكل.. والمشكة الأساسية كانت في عدم حذف الجزء ده قبل إذاعة الحلقة مرة ثانية لأن أول مرة المحاضرة اتذاعت كانت على الهوا مكانش في حاجة تتعمل».
وتابع: «بعدين تقابلت مع الأستاذ هيكل وطلب مني أكون أنا المسؤول عن البرنامج بتاعه ومفهمتش هو عايز إيه بالتحديد، وعرفت المفاجئة إنه صور 10 حلقات مع مخرج ومنتج من قناة ناشونال جيوجرافي ومعجبهوش ولا حلقة.. وأنا طبعا تعجبت وسألته ليه؟، قالي علشان شريف المعلم قالي أنت بتفهم وأنا بثق في شريف».
وروى موقف طريف جمعه بهيكل، قائلا: «في مرة واحدة فقط هو اتأخر عن موعده 7 دقائق، والله دخل يعتذرلنا كلنا واحد واحد».
الزعيم ويوسف شاهين
كما تطرق للحديث عن الحوارات التي أجراها مع كبار النجوم، مؤكدا أنه قدم حوار مميز مع الزعيم عادل إمام، كما أنه قدم حوار مع المخرج الكبير يوسف شاهين.
وكشف خفاجي عن سبب اختلاف الكثيرين على محمد حسنين هيكل، قائلا: «محبي محمد حسنين هيكل هم محبي جمال عبدالناصر وكارهي أنور السادات.. وكارهي هيكل وجمال عبدالناصر داعمين السادات»
وتطرق للحديث عن الخبر الشهير الذي انتشر حول أجر حسنين هيكل، وقال: «الجزيرة نزلت خبر إن حسنين هيكل بياخد 24 مليون جنيه في برنامجه، ولقيت عادل إمام بيتصل بيا بيسألني الخبر ده صحيح؟ قولتله أه، قالي ياه يعني ممكن حد يكون كبير في السن ويفضل أجره كبير».
مرض يوسف شاهين
وروى موقف طريف جمعة بيوسف شاهين، قائلا: «يوسف شاهين كان بيشرب سجاير في الاستوديو، وفي موقف معاه كان مريض جدا والدكتور قالي لازم تمنعه إنه يشرب سجاير لأنها خطر كبير على صحته.. لقيته بينده عليا بيقولي على الدكتور، هو العبيط ده عايز إيه؟.. قلتله ولا حاجة، قالي طيب عايز سيجارة، قلتله طيب على الأقل اصبر الدكتور يمشي».
وواصل: «لما كان مريض قالي إن الدكتور وجهه ميشربش سجاير ولا ينفعل، وعلق تعليق غريب، قالي هو أنا خرشوفة يعني علشان أعمل ده»
