أحمد كامل: مش بتاع سهر ولا لف على الأماكن عشان الشغل
أكد المطرب أحمد كامل أن ابتعاده النسبي عن الساحة الفنية لا يعود إلى قلة نشاطه أو رغبته في الغياب، وإنما إلى طبيعته الشخصية، مشيرًا إلى أنه لا يجيد الترويج لنفسه أو السعي وراء الظهور.
لا أجيد تسويق نفسي
وخلال لقائه مع الإعلامية بسمة وهبة، في برنامج «90 دقيقة» المذاع عبر قناة «المحور»، قال أحمد كامل: «عندي مشكلة شوية.. أنا مش من الناس اللي بتعرف تعرض نفسها»، موضحًا أنه لا يجيد ما يُعرف بـ«تسويق النفس» بالطريقة المتداولة داخل الوسط الفني.
«ماليش في الشللية»
وأوضح أحمد كامل أنه لا ينتمي إلى فكرة الشللية أو التجمعات التي يشهدها الوسط الفني، قائلًا: «ماليش في الشللية وماليش في التجمعات بتاعة بالليل.. أنا مش بتاع كافيهات»، وأن الوسط الفني يشهد منذ سنوات اعتماد بعض الفنانين على العلاقات الشخصية، موضحًا: «بقالها كتير جدًا شغالة هي صحاب بيشغلوا بعض، في مجاميع بتتقابل بالليل بيشغلوا بعض، لكن أنا مش من النوع ده».
العلاقات ليست طريقي للشهرة
وردًا على سؤال بسمة وهبة حول ما إذا كانت الشهرة تأتي من هذه التجمعات، قال أحمد كامل: «مش من على القهوة بس، هي حد بيبقى سبب لحد، هي بتبقى كده»، مؤكدًا في الوقت نفسه أن عدم اندماجه يقتصر على الوسط الفني فقط، بينما يمتلك العديد من الأصدقاء والمحبين خارج هذه الأجواء.
أحرص على الوقوف بجوار أصدقائي
وأشار المطرب إلى أنه يحرص على مشاركة أصدقائه الفنانين في مناسباتهم المختلفة، قائلًا: «أروح لحد صاحبي فنان في مناسبة عنده»، وعندما سألته بسمة وهبة إن كان يحرص على حضور الأفراح أو العزاء، أجاب: «أكيد مسبهمش، ويمكن العزا أكتر يعني، ربنا ما يجيبش لحد حاجة وحشة».
«الفن مش بيتعمل بالطريقة دي»
واختتم أحمد كامل حديثه مؤكدًا أنه لا يؤمن بفكرة السعي وراء العلاقات للحصول على فرص عمل، قائلًا: «أنا مش من الناس اللي بتدور عربيتها وتنزل تلف بالليل على الأماكن عشان يقولوا دي العلاقات اللي بتجيب الشغل.. أنا عمري ما شفت الفن كده بالطريقة دي، يعني أي فنان بيحترم نفسه».
