أمنية حجازي: لو رجع بيا الزمن هختار الطلاق.. وعمري ما منعت طليقي من رؤية بنته
أكدت البلوجر أمنية حجازي أنها إذا تزوجت من شخص رفض عملها، ستتنازل عنه بمنتهى السهولة، موضحة أن الاستقرار في حياة الإنسان مهم للغاية، قائلة: «الإنسان مش بياخد كل شيء لازم يكون في تنازلات.. يعني لو مبدأي الاستقرار وبناء بيت لازم هتنازل عن شيء تاني، ومثلا لو نفسي أنجح ويكون معايا فلوس لازم هتنازل عن شيء تاني محدش بياخد كل شيء».
أمنية حجازي تكشف صعوبة تربية ابنتها بمفردها
وخلال استضافتها في برنامج «ملكة التريندات» مع الإعلامية سارة مكي، المذاع عبر نيوز روم، تحدثت عن ابنتها، مؤكدة أن تربية طفلة بمفردها شيء صعب للغاية، قائلة: «تربية بنت لوحدي ده شيء صعب جدًا جدًا لكن الله إذا كلف أعان، وطالما ربنا أراد إنك تكوني هنا ده معناه إنه عارف إنك قد ده.. ونفسي ربنا يقر عيني بيها وأشوفها حاجة كبيرة».
لا يوجد خلاف على الحجاب
وأضافت، خلال الحلقة: «أنا مش بعمل ذنب لأني لابسة خمار مقلعتش يعني خالص.. يمكن أكون نزلت درجة وممكن أرجع في أي وقت، وأنا مش ممكن أقلع الخمار لأن ده مفيش عليه خلاف».
وعن فكرة خطبتها، قالت: «يمكن أكون مخطوبة معرفش.. ولما أعلنت على صفحتي لقيت إن أنا غلطانة إني أعلنت ده واللي ميتعلمش من أخطاؤه بيبقى شخص غبي جدا لأن السوشيال ميديا عاملة زي الشارع والناس مستنية تمسك عليكي حاجة علشان يستخدموها بعد كده.. لكن أنا معرفش مخطوبة ولا لأ يمكن أه ويمكن لأ».
