زياد ظاظا: جدي هو اللي سماني «ظاظا».. واشتغلت نجار وحلاق قبل الشهرة
كشف مغني الراب زياد ظاظا تفاصيل رحلته قبل الشهرة، مؤكدا أنه عمل في عدد كبير من المهن المختلفة، والتي ساهمت في تكوين شخصيته ومنحته خبرات انعكست لاحقا على مشواره الفني والتمثيلي.
عمل في مهن عديدة قبل الغناء
وخلال لقائه مع الفنانة إسعاد يونس في برنامج «صاحبة السعادة»، قال زياد ظاظا: «اشتغلت شغلانات كتير قوي.. وفشلت فيها الحمد لله»، موضحا أنه بدأ العمل مع النجارين الموجودين أسفل منزله، قبل أن ينتقل للعمل في مجالات أخرى.
وأضاف: «اشتغلت نجار مع النجارين اللي تحت بيتنا، وبعدها اشتغلت سيلز في شركات، وأول شغلانة ليا كانت في سوبر ماركت، واشتغلت كمان في فرن عيش، واشتغلت حلاق».
سر لقب «ظاظا»
وتحدث زياد ظاظا عن سبب إطلاق لقب «ظاظا» عليه، قائلا إن الاسم جاء من جده، مضيفا: «جدي الله يرحمه كان بيناديني ظاظا، وبعدها الاسم انتشر وسط أصحابي، ولما احترفت الغناء احتفظت بيه كاسم فني».
من الفيوم وليس من قرية
ونفى مغني الراب ما يتردد عن كونه من إحدى قرى الفيوم، موضحا: «أنا من الفيوم، من المدينة، مش من قرية، من منطقة في المدينة زي شبرا أو فيصل».
خبرات العمل أفادتني في التمثيل
وأكد زياد ظاظا أن تنقله بين العديد من المهن والاحتكاك بشرائح مختلفة من المجتمع منحه خبرات كبيرة، انعكست على أدائه كممثل.
وقال: «استفدت 100% من كل الشغلانات اللي اشتغلتها، وفي التمثيل لما بيجيلي دور بقول أنا شفت ده قبل كده، فبيبقى سهل عليا».
كل فنان محتاج يمر بتجارب
واختتم حديثه بالتأكيد على أهمية التجارب الحياتية للفنان، قائلا: «بحس إن ده اللي كل فنان محتاجه في الحياة، إنه يبقى مر بحاجات كتير علشان يقدر يطلعها في شغله».
