ساكنة في إيجار قديم ومش فاهمة إيه اللي حصل؟ محامي يشرحلك ببساطة
لو كنتِ ساكنة في إيجار قديم وبدأتي تسمعي عن قانون جديد، فبعد سنوات من ترقب قانون ، صدر حكم من المحكمة الدستورية العليا ، بتحريك مجلس النواب يوم الإثنين المقبل لمناقشة التعديلات الجديدة على قانون الإيجارات القديمة ، حيث قررت الحكومة التقدم بمشروع قانون جديد لتعديل منظومة الإيجار القديم، ويستعد البرلمان لمناقشته.
حيث أوضح الدكتور مصطفى مدبولي رئيس مجلس الوزراء، على إحالة الحكومة لمشروع قانون الإيجار القديم إلى مجلس النواب، مؤكدا في رسالة طمأنة للطرفين سواء الملاك أو المستأجرين بأن القانون سيراعي جميع الأبعاد الاجتماعية.
وأضاف خلال المؤتمر الصحفي الذي يعقد عقب الاجتماع الأسبوعي للحكومة، أن حكم المحكمة الدستورية العليا ألزم الدولة بأنه قبل انتهاء الفصل التشريعي الحالي لمجلس النواب، تكون وضعت كل الضوابط المتعلقة بالإيجار القديم.
وفي هذا الصدد يوضح لموقع “ نيوز رووم ” المحامي “ محمود سلامة ” الخبير القانوني كل ما تريدين معرفته عن مشروع القانون الجديد:
إيه اللي بيحصل ؟
يقول المحامي محمود سلامة الخبير القانوني إن الحكومة قدمت مشروع قانون جديد لمجلس النواب بخصوص الـ إيجار قديم ، والبرلمان هيبدأ مناقشته رسميًا يوم الإثنين القادم ، القانون بيمس حياة ملايين الأسر، وعشان كده بيتم بحذر وبمناقشة مجتمعية موسعة.
هل ده معناه إن الناس هتتطرد؟
أبدًا، حسب كلام محمود سلامة، مفيش طرد فوري، المشروع بيحدد فترة انتقالية مدتها خمس سنين، وخلالها الإيجار هيزيد تدريجيًا بنسبة 15% كل سنة، وبعد، لو مفيش اتفاق جديد، المالك يقدر يطلب إنه يسترجع شقته، لكن عن طريق المحكمة.
طيب الزيادة هتبقى كام؟
بيأكد الخبير القانوني إن المشروع بيقترح رفع القيمة الإيجارية، بحيث لا تقل عن:
1000 جنيه في المدن
500 جنيه في القرى
وده مع زيادة سنوية 15% لمدة خمس سنين.
إيه مصير الورثة؟
أوضح سلامة إن حكم مهم من المحكمة الدستورية العليا بيحدد إن عقد الإيجار يمتد لجيل واحد فقط من ورثة المستأجر الأصلي، يعني لو المستأجر توفى، العقد يكمل مع حد من أولاده، لكن مش أكتر من كده، وده حكم دستوري نهائي من نوفمبر 2024.
بعد الـ5 سنين نعمل إيه؟
شرح سلامة إن بعد انتهاء الفترة الانتقالية، لو الطرفين ما اتفقوش على عقد جديد، المالك يقدر يرفع دعوى أمام قاضي الأمور الوقتية علشان يحصل على حكم بالإخلاء، لكن برضه في فرصة تفاوض لتوقيع عقد جديد بشروط مناسبة للطرفين.
هل القانون نهائي؟
محمود سلامة بيأكد إن المشروع لسه بيتناقش، والبرلمان هيعمل حوار مجتمعي يضم المستأجرين، الملاك، والمحامين، الهدف إن القانون يطلع عادل ومتوازن، يحمي حقوق الجميع.
لو إنتي ساكنة في شقة إيجار قديم، لاخوف ، القانون مش هدفه يضر، لكنه بيسعى ينظم العلاقة بين الطرفين بعد عقود من الجمود تابعي التعديلات، واستشيري محامي لو عندك أي تساؤل خاص بعقدك".
