شهيرة : أنا تريند على طول وبدعي على كل إنسان تجاوز في حقي

علقت الفنانة المعتزلة شهيرة، على تداول أنبائها في الآونة الأخيرة، خاصة بعد تكريمها في المهرجان القومي للمسرح المصري.

وكشفت شهيرة عن تداول تصريحاتها وكلامها بشكل خاطئ من أجل التريند، حيث كتبت عبر حسابها الشخصي على فيسبوك : "أنا مستغربة جدًا، هو فيه إيه يا جماعة ؟، هو مابقاش فيه حد في مصر تتكلموا عنه غير العبدة لله، النفس اللي بتنفسه".

وتابعت : "الكلمة اللي أقولها تتحور ويبقي لها معاني أخرى، علشان البعض يلم مشاهدات من وراء الفنان، وعلشان عارفين إن أنا تريند على طول فتستغلون وتتبسطوا وتفرحوا  وتاكلوا من ورانا بالباطل".

وأضافت شهيرة : "بقول للناس دي اتقوا الله، لأني بدعي على كل إنسان تجاوز في حقي، وتقول عليا بما ليس في وحسبنا الله ونعم الوكيل،  ده غير  إني هقتص منكم يوم القيامة فردًا  فردًا، وشيلوا بقى ذنوب كالجبال ، والله علي كل شيئ قدير، جمعه خير وبركة على كل حبايبي".