محمود بدر يحذر: هناك محاولات لجر مصر إلى صراع.. والرهان على وعي المصريين
علق الكاتب والإعلامي محمود بدر على بيان مجلس الوزراء بشأن حادث ميناء دمياط، مؤكدا ضرورة التزام الهدوء وانتظار نتائج التحقيقات الرسمية، وعدم الانسياق وراء أي استنتاجات قبل إعلان الجهات المختصة نتائجها.
وقال محمود بدر، عبر حسابه على موقع فيسبوك، إن هناك محاولات من أطراف مختلفة لجر مصر إلى صراع في المنطقة، مضيفا: «من واقع بيان مجلس الوزراء لازم ناخد بالنا يا جماعة إن في محاولات من أطراف كتير لجر مصر لصراع في المنطقة لا ناقة لنا فيه ولا جمل».
وأضاف: «طالما مصر ما قالتش مين الجهة المسؤولة، يبقى لازم نستنى ونشوف، وأكيد أجهزة البلد شغالة عشان تحدد مين عملها، والأهم إننا نبقى هاديين وثابتين، وإحنا عندنا خبرة كبيرة من وقت الحرب على الإرهاب والبلاد اللي وراه».
تابع: «لازم الأول نتأكد: هل ده استهداف مباشر فعلًا؟ ولا ممكن يكون عملية مدبرة من طرف تالت هدفه توريط مصر في الحرب ويجرها لمعركة مش بتاعتها؟ كمان، لحد دلوقتي مفيش أي جهة أعلنت مسؤوليتها، وده في حد ذاته ملفت؛ لأن أي عملية من النوع ده بيكون جزء من هدفها إنها تبعت رسالة، وصاحبها غالبًا بيعلن عنها وطول ما مفيش إعلان، يبقى كل الاحتمالات تفضل مطروحة لحد ما تظهر الحقيقة».
استكمل: «مصر لسه هي نقطة الاتزان الأهم في المنطقة، ومن أول حرب غزة وهي بتحاول تمنع تحول الصراع لحريق إقليمي يحرق الكل، وده خلى محاولات جرها للمواجهة مستمرة وبعد ده كله، الأكيد، ولا جدال، الطرف اللي عمل كده هيطلع ميتين أهله هو واللي وراه، وكلنا ثقة في الدولة وأجهزتها».
وجاءت تصريحات محمود بدر بعد إعلان مجلس الوزراء أنه عقب السيطرة على الحريق الذي اندلع بالسفينتين في ميناء دمياط يوم 29 يوليو 2026، وإجراء الجهات المعنية التحقيقات الأولية، تبين أن الحادث نجم عن طائرة مسيّرة.
وأوضح البيان أنه لم تعلن أي جهة مسؤوليتها عن الواقعة حتى الآن، فيما تواصل الجهات المختصة استكمال التحقيقات لكشف ملابسات الحادث، واتخاذ جميع الإجراءات اللازمة بما يحفظ مصالح مصر وأمنها القومي.
