خلود زهران تروي لحظة نجاتها من الغرق: الموج سحبني.. والشكر لأبطال الانقاذ
كشفت الإعلامية خلود زهران، مقدمة برنامج «أحداث الساعة» عبر شاشة «إكسترا نيوز»، عن تعرضها لحادث غرق أثناء وجودها في البحر برفقة ابنتها سيلينا، مؤكدة أن العناية الإلهية وأبطال الإنقاذ كانوا سببًا في نجاتهما.
ربنا كتب لنا عمر جديد
وقالت خلود زهران عبر منشور لها: «الحمد لله والشكر لله، ربنا كتب لنا عمر جديد، في لحظة، الموج سحبنا لجوه البحر، أنا وبنتي، وللأسف حتى لو بتعرف تعوم، فيه موج بيكون أقوى بكتير من أي محاولة للمقاومة».
وأضافت: «فجأة لقيت نفسي أنا وبنتي جوه البحر، ومش قادرين حتى ناخد نفس، أرجوكم، خلو بالكم جدًا من البحر، ومتستهونوش بأي موج مهما شكله كان بسيط».
ووجهت الشكر لأبطال الإنقاذ الذين ساعدوها، قائلة: «كل الشكر والامتنان للأبطال اللي أنقذونا، بعد فضل ربنا، ربنا يجازيكم كل خير».
أنا عايزة أقول لكم إني كنت بغرق أنا وبنتي دلوقتي
وفي فيديو نشرته عقب الحادث، قالت خلود زهران: «يا جماعة، أنا عايزة أقول لكم إني كنت بغرق أنا وبنتي دلوقتي، وبجد أنا عايزة أشكر ثلاثة أو أربعة أبطال أنقذوني أنا وسيلينا، كنا خلاص والله العظيم حرفيًا بنموت».
خطورة نزول البحر في ظل ارتفاع الأمواج
وحذرت من خطورة نزول البحر في ظل ارتفاع الأمواج، قائلة: «ومهما كنت بتعرف تعوم، لو الموج عالي لو سمحت ما تنزلش، أنا أصلًا كنت على الشط، معرفش إيه اللي وداني بعيد».
وأضافت: «أنا بس عايزة أشكرهم، أنقذوني أنا وسيلينا بنتي من الموت، شكرًا بجد بجد بجد ليكم، والله العظيم أنا ما أعرفش إنتوا جبتوني إزاي».
ومن جانبه، أوضح أحد المنقذين تفاصيل عملية الإنقاذ قائلًا: «الحمد لله، إحنا عرفنا درجة السحب، وعرفنا اتجاهها، فإحنا خدناكم مع السحب، ماخدناكمش ضد السحب، إحنا عارفين السحب وبنعرف نجيبكم إزاي ونعرف نتصرف».
وردت خلود زهران قائلة، : « يا جماعة، والله هو ده اللي جاب لي الطوق، والله العظيم شكرًا، أنقذتني أنا وبنتي، شكرًا».
وعقب ذلك وجهت الشكر للمنقذين يوسف وفهد قائلة: «كابتن يوسف وكابتن فهد، شكرًا بجد ليكم جدًا جدًا جدًا».
