شاب يثير الجدل بشأن نتائج شقيقته في الثانوية ويطالب بمراجعة التصحيح: «مش منطقي»
أعرب شاب يدعى محمد عادل عن فخره بشقيقته بعد تجاوزها مرحلة امتحانات الثانوية، لكنه أثار تساؤلات حول نتيجتها وطالب بمراجعة آلية التصحيح، مؤكدا أن هناك أمورا تحتاج إلى توضيح.
وكتب محمد عادل عبر حسابه على موقع فيسبوك: «أنا فخور بأختي وإنها تجاوزت المرحلة دي وعدت على خير مهما كانت عواقبها، وحقيقي مافيش شيء في الدنيا يستحق دمعتها، هي أغلى وأهم من مليون امتحان ونتيجة».
وأضاف: «أختي جايبة في كل المواد 30 من 60 بالظبط، لا أعلى درجة ولا أقل درجة، وده خلاني أتساءل: هل ده طبيعي أو منطقي؟».
وتابع: «أختي لو كانت قاصدة تجيب النص في كل المواد والله ما هتعرف، ولو افترضنا إن دي درجاتها فعلا، كان ممكن تغلط في مادة وتجيب 31 من 60 مثلا، لكن الأمر بالنسبة لي يحتاج إلى توضيح».
وأوضح أنه راجع معها بعض المواد، قائلا: «راجعت معاها مادتين، الإنجليزي والفيزياء، والبنت كانت مقفلاهم حرفيا، والموضوع محتاج مراجعة لأن فيه علامات استفهام».
تابع: «وفعلا الموضوع مش طبيعي، وفيه حاجة محتاجة تفسير، عدد الأولاد والبنات اللي حصل معاهم نفس الأمر كبير جدا، حوالي 400 ألف طالب، يا جماعة، فيه حاجة غلط، لأن ده مش منطقي إطلاقا.. حتى لو الطلاب كانوا قاصدين يعملوا كده، مش هيعرفوا يجيبوا نفس النتيجة بالشكل ده».
استكمل: «إحنا محتاجين حد يوضح لنا إيه اللي بيحصل، أو بكل بساطة يتم تشكيل لجنة في كل مدرسة لمراجعة التصحيح وعرض نماذج الإجابة، وكل ولي أمر يشوف نتيجة ابنه وسبب حصوله على الدرجات دي وفي كل الأحوال هنعمل تظلم، لأن محدش يقدر يقبل بالعبث ده».
وطالب محمد عادل بضرورة وجود شفافية أكبر في عملية التصحيح، مقترحا تشكيل لجان داخل المدارس لمراجعة أوراق الإجابة وعرض نماذج التصحيح أمام أولياء الأمور والطلاب، مؤكدا أنه سيتقدم بتظلم رسمي للحصول على توضيح بشأن النتيجة.
