مصطفى حدوتة يرد على تامر عبدالمنعم : مانجحتش غير لما قلدت عمرو دياب
خرج الشاعر مصطفى حدوتة للرد على الانتقادات التي وجهها له الفنان والإعلامي تامر عبدالمنعم، بعد تصريحات حدوتة الأخيرة حول نجاحه مع الهضبة عمرو دياب.
وقال مصطفى حدوتة في فيديو له عبر إنستجرام : "الفنان تامر عبدالمنعم طلع يقول مش معني إني اشتغلت مع عمرو دياب إني بقيت أحمد شوقي، وأنا ولا فاكر نفسي أحمد شوقي ولا عايز أبقى أحمد شوقي، أنا فاكر نفسي مصطفى حدوتة وعمري ما هكون غير مصطفى حدوتة".
وتابع حدوتة : "وقال إن أي حد بيشتغل مع عمرو دياب بينجح، أولًا هو الوصول أصلًا لعمرو دياب صعب جدًا، وأنا ناجح من قبل عمرو دياب ونجحت معاه الحمد لله، وبعدين أنا مقدرش أقول لحضرتك إنك مانجحتش غير لما قلدت عمرو دياب، مع إن مصر كلها عارفة إنك مانجحتش غير لما قلدت عمرو دياب".
وأضاف مصطفى حدوتة : "بس أنا مش هقدر أنقص من دورك لأنك لما تتقمص شخصية حد تاني دي حاجة صعبة جدًا، وبرافو إنك عرفت تعمل كده، والمفروض إنك كنت تقولي برافو، وده كان أوفر عليك من كل اللي قولته ده، لأني شاب في بداية حياته ونجح وتعب كتير، فالمفروض نصقفله ونقوله برافو".
واختتم حدوتة : "بس هو دايمًا كلمة مبروك دي أصعب كلمة الناس تقولها، أصلها تقيلة لى اللسان".
وكان قد شن الإعلامي تامر عبدالمنعم هجوما على الشاعر مصطفى حدوتة، على خلفية الجدل المثار مؤخرا حول نجاح أغاني ألبوم الهضبة عمرو دياب الأخير ومقارنتها بأعمال الملحن عزيز الشافعي.
وأكد تامر عبد المنعم، خلال برنامجه "البصمة" المذاع عبر قناة "الشمس"، أن عمرو دياب بمثابة براند عالمي، وأن أي فنان يتعاون معه هو ناجح بضمان الهضبة، قائلا: "عمرو دياب لو غنى ريحان يا فجل الناس هتسمعه وجحافل هتجري وراه".
ووجه تامر رسالة مباشرة لـ "حدوتة" طالبه فيها بالارتقاء والابتعاد عن أسلوب تلقيح الكلام على السوشيال ميديا، مشيرا إلى أن الجمهور هو الحكم الوحيد في النجاح، مضيفا: "يا أخ حدوتة إحنا مسمعناش عنك إلا من خلال ألبوم عمرو دياب، وعملت أغاني عن فساتين بألوان مختلفة وسوستة من الجنب، مش معنى كده إنك بقيت أحمد شوقي".
