تامر عبدالمنعم: كل من يهاجم الدولة إخوان.. ومستعد أعمل قناة للرد عليهم

أوضح الإعلامي والفنان تامر عبدالمعنم، أن كل الجهات التي تهاجم الدولة هي جهات تتبع جماعة الإخوان، متابعا: أنا مستغرب الحقيقة من الناس اللي بتهاجم من بره، أنا عشان أكون بنتقد نظام أقعد هنا وأنتقد، لكن أطلع بره وأشتم؟، ولازم يتقبض عليك لأنك إنت مش بتنتقد، دي قلة أدب”.

وتابع خلال بودكاست بالعربي: “هو أنا أتطاول على شخص رئيس الدولة أو على شخص رئيس الوزراء؟ إذا كان الملكي شتمني وأنا وكيل وزارة غلبان اتحكم عليه.. عايزة واحد يشتم الدولة المصرية والجيش المصري والشرطة المصرية ورئيس الدولة وما يتسجنش؟ يقدر حد يشتم رئيس الإمارات ولا ملك السعودية ولا ملك الأردن ولا رئيس الجزائر؟”.

وأضاف، متحدثا عن محمد ناصر ومعتز مطر: "والواد التاني اللي بيعمل مكالمات جنسية وتقوله يا كناريا دي عيال رقيعة.. وقال لها انت كلبة وأنا سيدك.. ده كلام؟ ده راجل سوي نفسيا؟ ومعتز مطر معارض إيه؟ حضرتك شفت شعره ده؟ كوافير هو.. مين ده اللي معارض؟"

ما تاكلنيش على مرسيدس طبق فول

طالب عبدالمنعم بعودة قنوات خاصة لمواجهة الإعلام المعارض، قائلا: “إحنا محتاجين القناة دي دلوقتي. العاصمة بتامر أو من غير تامر، للرد على هؤلاء، علشان أنا بتاع أمن قومي وثقافة.. في بعض القهاوي ممكن تبقى مشغلة برامج هؤلاء الخونة بتوع تركيا وبيشوفوهم بالليل، عشان ما فيش حاجة بالليل بترد على ده”.

وأضاف: “دي قنوات المتحدة وقنوات التلفزيون المصري، ماسبيرو العظيم، دول قنوات دولة.. أنا بتكلم في القنوات الخاصة زي ما كنا شغالين في العاصمة”.

كما أبدى استعداده لتقديم قناة بنفسه، قائلا: "أنا مستعد أرجع قناة العاصمة وعملها مشروع، وأقد فيها برنامج توك شو رئيسي وأرد فيها.. أنا أو غيري.. كفاية تضليل وأكاذيب بقى.. دول عالم عايزة اللي يشمر لهم."

شفت هشام عبد الله في جلسات مخدرات بعيني

وكشف عبدالمنعم عن واقعة قال إنها تخص الفنان هشام عبد الله، موضحا: "يعني أما قلت على الولد فانيلا هشام عبد الله إنه كان بيجلس في جلسات الفنان الشهير، بيطلع المخدرات وبيعمل السجائر وبيهوي على الفحم، أنا شفت ده بعيني ومشيت. مع إنه كان في المجلس فنانين كبار. فما تعملش فيها شريف يا ولد، أوعى تعمل فيها شريف."

يوسف الحسيني مذيع شاطر.. وسقطة الدولار مش خيانة

وتحدث عبدالمنعم عن عدد من الإعلاميين، قائلا: “وفي إعلاميين هبلوا برضه عادي، وأصحابنا زي يوسف الحسيني كده، أما قال لك الدولار ومش الدولار. مش بتكسف يعني هقول. لا، كإعلامي هو طبعا مذيع شاطر. أنا وهو نختلف سياسيا كتير، لكن تظل العشرة والعيش والملح بينا”.

وعن توقع يوسف الحسيني السابق بشأن سعر الدولار، قال: "سقطة، ساقطة. أي حد ممكن يخطئ. كلنا لينا سقطاتنا، بس دي مش خيانة. الراجل ما خانش، ما هربش وشتم في دولته، ما قبضش فلوس من دول معادية، مش مشرد قاعد في وصلة."

من حق أيمن نور يعتذر.. بس يتحاسب

وعن الأنباء المتداولة بشأن محاولة أيمن نور التصالح والعودة إلى مصر، قال عبدالمنعم: "يعني أقل من إن أنا أقيم موقف زي ده. ولكن أنا شفت إن حكمة الدولة المصرية تستطيع إنها تفرز هل دي حركة ولا دي حقيقة. وأعتقد إن من حق أي حد إنه يعتذر، بس يتحاسب على اللي كسره."