«البيت بقاله سنة ونص بيولع».. استغاثة أسرة بالدقهلية بعد احتراق منزلها 13 مرة
أطلقت أسرة من قرية ميت مزاح التابعة لمركز المنصورة بمحافظة الدقهلية استغاثة للمسؤولين، بعد تعرض منزلها لحرائق متكررة، مؤكدين أن المنزل اشتعل 13 مرة خلال نحو عام ونصف دون معرفة السبب، ما تسبب في خسائر كبيرة وإتلاف محتويات المنزل بالكامل.
البيت ولع 13 مرة
وقال نبيل يوسف شلبي، من قرية ميت مزاح، في تصريحات خاصة لـ«نيوز رووم»: «احنا عايشين في جحيم، البيت عندي بقاله سنة ونص بيولع، 3 أدوار بيولعوا بعفشهم، الحيطان نفسها وقعت، فأنا بطالب من المسؤولين إنهم يقفوا جمبنا، عايزين حد يقف جمبنا يا جماعة ويشوف الدمار اللي احنا فيه دا سببه اي».
حريق بلا ماس كهربائي أو غاز
وأضاف: «لا في ماس كهربائي ولا في أنبوبة غاز، ولا عندي غاز مسرب، جالنا مشايخ الدنيا والآخرة وقالوا دا سحر، الناس مش عايزة تسيبنا في حالنا يا جماعة».
وتابع متحدثا عن حجم الخسائر التي تعرضت لها الأسرة: «آثار اي اللي احنا بندور عليها، حتى عفش ابني العريس بقاله سنتين متجوز بـ400 ألف جنيه راح منه وملحقش يفرح، الشقة كانت سوبر لوكس».
احنا طول عمرنا مستورين
واختتم نبيل يوسف شلبي تصريحاته بمناشدة للمسؤولين بالتدخل ومساندة الأسرة، قائلا: «احنا طول عمرنا مستورين ومش بنطلب حاجة من مخلوق، بس النهاردة بناشد الناس تقف جمبنا لإننا هنجيب منين، لإني عملت الشقة مرتين، المطافي على ما جت كانت الحاجات رماد».
في سياق آخر، التهمت النيران مخزن ومحل ملابس على مساحة ٥٠٠ متر بشارع محمود حافظ بميدان سفير فى النزهة وتم إخماد النيران ولا يوجد إصابات.
كان اللواء محمد يوسف مساعد الوزير لقطاع امن القاهرة قد تلقى اخطارا من الإدارة العامة للحماية المدنية بورود بلاغ بنشوب حريق داخل محل ومخزن ملابس بالنزهة.
