إيناس صابر "مجنونة العوضي": بحب أحمد العوضي من زمان ومتأكده أني هتجوزه

أثارت إيناس صابر المعروفة بـ “مجنونة العوضي”، من الجدل بعد ظهورها في برنامج "هي وهما" على قناة الشمس، حيث تحدثت عن حقيقة مشاعرها تجاه الفنان أحمد العوضي، وقدمت اعتذارا له، مؤكدة أنها لم تكن تقصد الإساءة إليه، كما كشفت عن ظروفها المعيشية والنفسية، وأكدت تمسكها بحبها له ورغبتها في الارتباط به.

أنا يتيمة ومرت بظروف صعبة

وقالت إيناس صابر إن سبب محاولتها الوصول إلى الفنان أحمد العوضي لم يكن من أجل المال فقط، وإنما بسبب حبها له، وقالت: "أنا بحبه... أنا أصلا بحبه، ولما رحت له وأنا في الوضع ده، ماكنتش عايزة أول مرة يقابلني وأنا بالشكل ده".

بحب العوضي ونفسي يساعدني

وأضافت: "أنا بحبه، عشان كده كنت عايزة هو اللي يساعدني، مش حد تاني"، وقالت: "أنا حالتي النفسية... بقالي سنة كنت باتبهدل وقاعدة عند الجامعة في أكتوبر والناس بهدلتني... فأنا بحبه، أنا بحبه من زمان، وأنا متأكدة إني هبقى مراته... آه، أنا بحبه ومفيش حد هيحبه قدي".

وفيما يتعلق بتصريحاتها عن الفنانة يارا السكري، قالت: "أنا بكرهش حد بس هي بتعمل كده عشان الشغل، أنا اللي بحبه، والله هي ما بتحبهوش، أنا اللي بحبه، بعشقه... أنا اللي محتاجة أب وزوج وحبيب وكل حاجة".

كما أكدت أنها تعرضت للإساءة بسبب ما حدث، قائلة: "إنتي عملت جراحي، بدل ما تساعديني، عملت جراحي فيا، حتى الآن لا أحد سأل عني بعد التيك توك اللي قامت به".

وأضافت: "في الظروف اللي أنا فيها، أي واحدة تتعرض لها بنت ناس وتتبهدل، أكيد هتتأثر".

وعن فكرة الزواج، قالت: "طبعا أتجوز، وأخرج من السجن وأدخل على السجن مرة أخرى، أنا عايزة أتجوز شخص أحبه".

 وأنا عندي 19 سنة كنت عايزة أتعرف عليه

وكشفت أنها كانت تحاول التعرف على أحمد العوضي منذ سنوات، موضحة: "من وأنا عندي 19 سنة كنت عايزة أتعرف عليه، وأنا دلوقتي عندي 28 سنة، كنت عايزة أتعرف عليه، لكن ما اتوفقتش، ولما جتلي الفرصة ضاع كل حاجة".

وقدمت اعتذارا مباشرا للعوضي بعد الضجة التي أثيرت، قائلة: "أنا بحبه ومتعلقة بيه، وأنا آسفة، أقول له أنا آسفة لا أقصد، أنا آسفة والله، وكل من فهمك غلط".

ونفت ما تردد بشأن حصولها على أموال للقيام بما حدث، مؤكدة: "لا طبعا... أنا اتجرحت من المظهر، واستلفت هدوم من صاحبتي، هدومي ضاعت، بقالي سنة واتبهدلت، والناس جرحت في مظهري، وماحدش دفعلي فلوس عشان أعمل كده مع أحمد العوضي أو أضيقه".

هفضل أحبه برضه.. أنا مستنياه

وأضافت أنها ستظل تحبه حتى إذا تعامل معها كأخت، قائلة: "هفضل أحبه برضه، أنا مستنياه، هفضل أحبه، أنا عايزاه يقف جنبي، عايزاه يكون في حياتي، مش بس يساعدني، لا... أنا بحبه، وهفضل أحبه".

واختتمت رسالتها للعوضي قائلة: "أنا بحبك وأنا متعلقة بيك، ما تسيبنيش أتبهدل... ما تسيبش مراتك يا عوضي تتبهدل... آه، أنا هبقى مراته، وحيحصل، وكل ده حصل عشان ربنا عارف أنا بحبه قد إيه، كل ده حصل من عند ربنا، وأنا ما قصدتش أؤذيه".