أحمد جلال عبدالقوي: أنا أهلاوي جدا وأقرب شخص ليا هو أفشة

حل الفنان أجمد جلال عبدالقوي، ضيفا في برنامج «كلام الناس» المذاع عبر شاشة إم بي سي مصر، مع الإعلامية ياسمين عز في حلقة سابقة، وخلال الحلقة أكد أنه مشجع كبير للنادي الأهلي، مضيفا: «أنا أهلاوي جدا وأقرب حد ليا هو محمد مجدي أفشة هو حبيبي وصديقي وأكتر حد بكلمه».

المرأة في حياة أحمد جلال عبدالقوي

وفي سياق الحديث عن المرأة في حياته، أضاف أحمد جلال عبدالقوي: «أنا كنت خاطب لكن الموضوع مكملش محضلش نصيب.. الحياة بين أي اتنين بتكمل لما ربنا يكون بينهم وقتها بيتوفقوا وبيكون في عائلة زي والدي ووالدتي بقالهم 40 سنة مع بعض».

هل يفكر في الزواج

وتابع عبدالقوي: «الزواج مسؤولية وأنا مش جاهز أو مش عايز اتجوز دلوقتي.. حاسس إن أنا حر وكدا أحسن.. وأنا بأمن بصداقة البنت والولد وأقرب صحاب ليا بنات لكن لازم يكون فيها ربنا علشان ميكونش في استغلال»

كما تطرق للحديث عن علاقته بالله، قائلا: «أنا عارف ربنا كويس وعندي وعي وبحب ربنا وقريب منه جدا لكني شخص كسول شوية».

وفاة أحمد جلال عبدالقوي

رحل عن عالمنا اليوم الفنان أحمد جلال عبدالقوي بعد صراع مع مرض السرطان الذي عانى منه في الفترة الماضية .

تفاصيل الأيام الأخيرة في حياة أحمد جلال عبدالقوي

تعرض أحمد جلال عبد القوي لأزمة صحية ونقل إلى المستشفى

كشف نيوز رووم تفاصيل المرض وتبين إصابته بورم سرطاني في الحجاب الحاجز

بدأ في الاستعداد للسفر خارج مصر لبدء المرحلة الأولى من العلاج

سافر إلى المجر وطلب من محبيه الدعاء له بالشفاء

رحل عن عالمنا اليوم بعد صراع مع مرض السرطان

آخر تسجيل صوتي لـ أحمد جلال عبدالقوي 

وقبل وفاته كان تواصل نيوز رووم مع الفنان الراحل أحمد جلال عبدالقوي وقال في آخر تسجيل صوتي له : الحمدلله كمية الدعاء اللي أنا كنت قاعد بسمعها كبيرة جدا والناس متعرفش أنا مين ولكن ربنا بيبعتلي الدعوة والحمدلله .

إصابة أحمد جلال عبدالقوي بالسرطان 

وكان خرج الفنان أحمد جلال عبدالقوي في أول تعليق له، بعد إعلان موقع “نيوز رووم” إصابته بالسرطان، حيث وجه أحمد جلال عبدالقوي الشكر لكل من اطمأن عليه، حيث كتب عبر حسابه الشخصي على فيسبوك: "كل حد اتصل واطمن عليا أحب أقولوا شكرًا، ومن فضل و كرم ربنا عليه إن ده يحصل، علشان أشوف كل حب الناس ده ليا".