«بحب أحمد العوضي وأنا بنت ناس».. رد إيناس صاحبة تريند هتسيبني أمشي وحدي
كشفت إيناس صاحبة تريند هتسيبني أمشي وحدي مع الفنان أحمد العوضي، أنها تمر بظروف صعبة للغاية مما دفعها إلى الإقدام على فعل هذا الأمر مع العوضي، قائلة: «أنا كنت عايزة أطلب منه مساعدة ومعرفتش وارتبكت لأنه أنا معتمد عليا في الشغل وأحيانا أنا مش بلاقي شغل.
وتابعت، خلال تصريحات خاصة لموقع «نيوزرووم»: «أنا حصلتلي حادثة أنا وأختي من شهر رمضان اللي فات وأنا عندي ظروف ومحدش يعرف عني حاجه والله أعلم بظروفي بس مش متعودة أنه أنا أظهر كشحاته والله ومعنديش كرامه وقدام الناس كده».
كنت فاكرة أنه الفنان هيدخل القاعة
وأضافت، «أنا كنت فاكرة أنه الفنان هيدخل القاعة ويقعد شوية ومحصلش ومقعدش في قاعة السينما فارتبكت وبعدين أنا بقالي كذا سنة بلف وراه وبقالي أخر سنه اتبهدلت كتير أووي ومش قادرة استحمل البهدله دي يعني كتير عليا ومش قادرة وأنا مريضة ومحتاجه علاج مش معايا تمنه».
وأوضحت: «أختي متأثرة بالحادثة وفي أيام كنت بنام فيها عند الجامع أنا وأختي برغم أنه أنا بنت ناس ودي ظروف يعني.
واستكملت متمنية: «أتمنى أنه الفنان أحمد العوضي يسأل فيا ويلبي طلبي لأنه أنا بحبه والله جدا ولفيت وراه لمكتبه ومرضيوش يطلعوني وحاولت أروح لوكيشن تصويره برضو أنا لفيت وراه والله كتير».
