خاص| "حذرت مبارك من فلوس التأمينات".. ميرفت التلاوي تهاجم يوسف بطرس غالي

هاجمت وزيرة التأمينات الأسبق السفيرة ميرفت التلاوي، تصريحات يوسف بطرس غالي، بشأن أموال التأمينات خلال الجزء الثاني من حواره مع الإعلامية لميس الحديدي، في بودكاست "موعد مع لميس"، قائلة:  متقدرش ترد على كلامي وأنت مكنتش دقيق ولا صريح بالكلام اللي قلته.. وكلامك لخبط الناس كلها مش معقول اللي بتعمله ده".

كلامك لخبط الناس

وأشارت التلاوي في تصريحات خاصة لـ"نيوز رووم"، إلى أن حديث يوسف بطرس غالي لم يكن دقيق، معقبة: “عنده أهداف أخرى مبيقولش ما حدث بالتفصيل.. يرغب في العودة إلى مصر مرة أخرى.. وبيبعد نفسه نهائي عن موضوع التأمينات والمعاشات .. وبيستخبى تحت مظلة أنه كان وزير الاقتصاد والمالية والناس بتلخبط بين الاتنين”.

محدش سمع كلامي

وتابعت في حديثها: “محدش سمع كلامي في ملف التأمينات.. وبعت للرئيس مبارك أنه ميمضيش على القانون الخاص اللي جعل الدولة توافق على أن فلوس التأمينات تدفع للمعاشات بعد 50 سنة.. ومحدش ياخد قرض ويدفع بعد 50 سنة”.

وواصلت: “لو كانوا سمعوا كلامي أن فلوس التأمينات تشتري 3 الشركات التي كنت أرغب في  شرائها.. كان انهاردة هيتحسن الوضع والعائد اللي هيجي من المعاشات كبير”.

وأكدت أن كل ما تتمكن من فعله، أن توقف توجه ورغبة يوسف بطرس غالي بخروج أموال التأمينات للخارج، معلقة: "هو كان عاوز ياخد كل فلوس التأمينات ويستثمرها في السوق العالمي.. البعض قال أن الفلوس دي ملهاش صاحب ويوسف بطرس غالي بيتصرف فيها