صاحب مشهد مين اللي أكل الجبنة : السبكي كان عايز يحتكرني ونفسي أمثل مع العوضي

كشف الفنان طارق عصام " بطل مشهد أنا اللي أكلت الجبنة " في فيلم أبو علي بطولة الفنان كريم عبدالعزيز، عن تمنيه في الوصول لأحمد العوضي وتقديم عمل فني معه بسبب ابتعاده عن المشاركة في الأعمال السينمائية منذ أكثر من 10 سنوات .

طارق عصام : السبكي كان عايز يحتكرني ونفسي أمثل مع العوضي 

وقال طارق عصام خلال فيديو متداول له ظهر مؤخرا : أحمد السبكي وقت ما عملت فيلم بوشكاش كان عايز يعملي عقد احتكار لمدة 7 سنين، وأنا رفضت وقولتله خليني حر ومن ساعتها وقف الدنيا عليا .

وأضاف : أنا نفسي أمثل مع أحمد العوضي وأتمنى أعرف أوصله لأن أنا بعيش أسوأ أيام حياتي بعد ما أهلي كانوا فخورين بيا ، دلوقتي مش قادر أطلع في مشهد واحد ! .

استغاثة طارق عصام

وفي سياق متصل ، كان كشف الفنان طارق عصام " بطل مشهد أنا اللي أكلت الجبنة " في فيلم أبو علي بطولة الفنان كريم عبدالعزيز، عن معاناته من عدم عرض أعمال فنية عليه منذ عام 2015 ، مشيرا إلى تدهور حالته المادية وعدم قدرته على تحمل المعيشة ومصاريف تحضيره للزواج . 

وقال طارق عصام في فيديو متداول ظهر له مؤخرا : أنا بدأت تمثيل من وأنا عندي 8 سنين وكملت لحد 14 سنة ودلوقتي عندي 30 سنة ومفيس حد بيكلمني ولا بيعرض عليا شغل ومعنديش مصدر دخل غير شغلي في المعمار علشان أعرف أصرف على نفسي وبقالي سنتين خاطب ومش عارف أجهز للجواز .

وعن محاولته للتواصل مع نجوم الفن لمساعدته للعودة مرة أخرى إلى التمثيل ، علق قائلًا: بعت لأستاذ كريم عبدالعزيز وأستاذ محمد سعد ومحدش منهم رد عليا ، اتواصلت معاهم لأنهم أكتر 2 يقدروا يساعدوني لكن مفيش أي رد منهم حتى هذه اللحظة .