«دخلنا تهريبً».. المتهمون في قضية الذهب يكشفون تفاصيل عملهم داخل الجبال

كشفت اعترافات المتهمين الذين ألقي القبض عليهم خلال حملة مكبرة نفذتها القوات المسلحة والشرطة المدنية في جنوب مصر، تفاصيل دخولهم البلاد، وطبيعة عملهم في التنقيب غير المشروع عن الذهب، والمقابل الذي كانوا يحصلون عليه، إضافة إلى طرق التنقيب والكميات المستخرجة، وكيفية القبض عليهم.

كيف دخلوا مصر؟

وخلال الحديث مع المتهمين، طُرح سؤال حول كيفية وصولهم إلى المنطقة، ومنذ متى بدأ وجودهم داخل مصر.

وقال محمد أحمد أبو بكر الدود: «بقالنا شهرين و15 يوم، دخلت تهريب، أيوة دخلت تهريب».

وأضاف حمد عبد الباسط حمدي محمد رضوان: «أول رحلة يا باشا، من خمس أيام، ست أيام، ناس قالولي تعال، وأنا كنت شغال مزارع أصلًا ورحت معاهم».

فيما قال إبراهيم محمد صالح جبريل: «دخلت بتهريب بأسرة، جيت تهريب 2024 بين اتنين وشهر تلاتة».

المقابل الذي كانوا يحصلون عليه

وبسؤالهم عن الجهة التي كانت تشغلهم والمقابل الذي كانوا يحصلون عليه، قال أحد المضبوطين: «والله بيحاسبونا بالوردية، يعني كل 15 يوم، 10 أيام بيحاسبونا، مرات 10 آلاف، مرات 8 آلاف».

وأضاف أحد المضبوطين: «يعني مش كل من راح لقى، لا في ناس خسرانة وناس بتبيع وبتطلع مفيش».

وقال أحد المضبوطين: «هم بيبيعوها مثلًا، طلعت لك 1000، مثلًا طلعت لك 500 جنيه، مثلًا 100 جنيه زي كدة، لا مش باليومية، هي بس ما نعرفش كام، بس هو بيقولك مثلًا طلعت لك أنت 1000 ده حقك».

طرق التنقيب عن الذهب

وعن الطريقة التي كانوا يستخدمونها في استخراج الذهب، قال عبد القادر أحمد عبد القادر قناوي: «بالطريقة العشوائية يعني بتاعة التنقيب العشوائي، إننا بنشنش بالصحن وكده، بندق الحجر ونهزه كدة في الصحن، وبيظهر معانا النسبة، ظهرت معانا نسبة يبقى المكان يعني كويس، ما ظهرتش يبقى المكان ما فيهوش».

وأضاف أحد المضبوطين: «يعتبر يدوي، يدوي يعني مكنة وهيلتي، حاجات بسيطة يعني، هيلتي، مكنة زي كدة».

كميات الذهب المستخرجة

وبشأن الكميات التي كانوا يستخرجونها من الجبال، قال أحد المضبوطين: «يعني لحد 30، 35، 40، حصل 50، حصل 70 جرام حصل».

فيما قال عبد القادر أحمد عبد القادر قناوي: «أنا عن نفسي ما طلعتش يعني، يمكن 5 جرام، 6 جرام».

كيف تم القبض عليهم؟

وكشف المتهمون تفاصيل لحظة القبض عليهم خلال الحملة الأمنية.

وقال عبد القادر أحمد عبد القادر قناوي: «أنا كنت جوا الجبل يعني، فطلعت لقيت الحملة في وشي يعني، في مكان خارج شبكة يعني ما فيهوش شبكة خالص، فطلعت اتفاجئت يعني بالموضوع ده».

وأضاف علاء أحمد: «اتقبض عليا، جم خدوني، ما هم جم خدوني من الخيمة وإحنا في الخيمة في الجبل».

وقال أحد المضبوطين: «الحملة دي اتفاجئنا بيها، إحنا بس في ناس بتنزح من الجبل، في إيه؟ قالوا الجيش نازل، سمعنا إن الجيش نازل فإحنا ماشيين».

فيما قال أحد المضبوطين: «اتقبض عليا في الكمين».

رسائل لكل من يفكر في دخول مصر

وفي نهاية اللقاء، وجه المتهمون رسائل لكل من يفكر في دخول مصر أو العمل في التنقيب غير المشروع عن الذهب.

وقال أحد المضبوطين: «والله هيكون غلطان، يعني الحاجة اللي أنت شايفها دي، كلنا إخوانا السودانيين اللي أنتم شايفين الوضع، الحاجة الحاصلة دي، الدهب بقى ما مناسب للشغل والله، ما مناسب، نهائي للشغل».

وأضاف عبد القادر أحمد عبد القادر قناوي: «لا أكيد هتنتهي يعني، بعد اللي حصل ده أول مرة إحنا نقابل يعني الظاهرة دي اللي حصلت معانا».

وقال أحد المضبوطين: «والله حملة يا باشا أحسن عشان تريح الناس من الوش ده كله، أنا أصلًا طلعت مضطر يا باشا».

واختتم أحد المضبوطين بقوله: «غلط ثم الغلط، غلط شديد، الشغل بتاع الدهب في بلد ما بلدك غلط، غلط».