نجل مصطفى كامل يدافع عن والده بعد فيديو الشرقية: مش عارفين تمسكوا عليه غلطة
علق فتحي، نجل نقيب الموسيقيين، مصطفى كامل، على الهجوم والانتقادات التي تعرض لها والده على مدار اليومين الماضيين، بعد تداول فيديو منسوب إليه يسيء فيه لأهالي الشرقية.
وكتب نجل مصطى كامل عبر حسابه بموقع فيسبوك: “حسبي الله ونعم الوكيل في كل شخص بيأذي وبيقول كلمة عشان يبان ملاك قدام الناس وناسي أن في ربنا شايف وشاهد على كل شئ.. حسبي الله ونعم الوكيل في كل شخص عارف ان مصطفى كامل مغلطش فى حد وكلامه كله واضح بالنص انه على أمور نقابية ومخالفات ومقالش حرف واحد على محافظة الشرقية”.
وأضاف متسائلًا:"الڤيديو متصور في 2022 إيه السبب انه يظهر دلوقتي عشان مش عارفيين تمسكوا عليه غلطة ولا سرقة ؟ الڤيديو ظهر عشان هو راجل شغال بما يرضى الله وبيخاف ربنا في مال الغلابة؟
وتابع: “الڤيديو نزل عشان انتو عايزيين النقابة عزبة زي الأول والموسيقيين الوحيدة اللي متضررة ؟ ومع ذلك طلع واعتذر على حاجة هو معملهاش وقال انا بعتذر للناس كلها اللى ممكن تكون فهمت كلامي غلط.. احنا بشر وبنحس كتير أوي أوي أوي 3 أيام شتيمة وكلام متقالش كل ده لمصلحة مين؟”.
واختتم فتحي مصطفى كامل حديثه وكتب: "حسبى الله تاني وتالت بس ربنا قادر على كل شئ وربنا كبيرررررر وتاني وتالت ورابع بنعتذر لكل شخص في محافظة الشرقية فهم الكلام غلط والله العظيم الڤيديو واضح وضوح الشمس انه يخص جزء معين ولا يشمل من اصغر شخص في الشرقية لأكبر شخص".
