مسلم يكشف تفاصيل خلافه مع عصام صاصا وزوجته: مراتك ماحترمتكش واتدخلت في الموضوع
كشف مطرب المهرجانات مسلم تفاصيل خلافه مع عصام صاصا وزوجته جهاد أحمد، مشيرًا إلى أنه تفاجأ بهجوم زوجة صاصا عليه.
وأوضح مسلم، في فيديو نشره عبر حسابه بموقع فيسبوك، أن بداية الأزمة كان عندما كانت شقيقته لايف وسألها أحد المتابعين من تفضل مسلم أم عصام؟ فاختارته لأنه شقيقها.
وقال مسلم: “أي حد بيشوف الموضوع من بره بيفتكر إني بكرهه وأني أصفر ومش هيتكسف أقول اسمه مش زي ما هو بيلقح، أنا كنت بسمعك وبحب أغانيك ولما كنت في ضيقة دعيت ليك ومغلطش فيك”.
وأضاف: “اتفاجأت بمراته منزلة بوست بتقول فيه: “صاصا مين اللي ريح وركن أنتم وهو جوه فس السجن، وأنتم بره كان مقعدكنم في بيتكم.. والله يرحم لما مكنتش لاقي مكان تبات فيه واستضافك عنده”.. ده كان بداية الغلط”.
وأوضح: "أختي كانت لايف وحد بيسألها لو هنقارن بين صاصا ومسلم وغصب عنها اختارتني لأني أخوها.. ليه تشتموني وتقولي الله يرحم هل من الأصول لو عاملة واجب مع حد أقول؟
وتابع: “يا أستاذة جهاد مش هرد عليكي ولا اعمل دماغي بدماغك لأني أكبر من كده بكتير، أنا محكيتش في عصام وفي حد وصلنا ببعض وأنا كنت ناجح وهو مكانش لسه ناجح”.
وأكمل: “مسلم كان مكسر الشارع ومكانش حد زيه.. ليه بتقولي الله يرحم لما كان بيحكها في صاصا.. أنا لا حكيتها ولا طلبت أبات عنده”.
مصر كلها ماسكة عليك يا صاحبي
وأردف: “عصام قال أنه ماسك عليا حاجات.. طيب ما مصر كلها ماسكة عليك يا صاحبي، ولو معاك فيديو وأنا برقص فأنا راجل وبعرف ارقص ولو عريت جسمي كله محدش يحاسبني لأني راجل”.
وواصل: “أنت مش زعيم عصابة أنت فنان طريقتك في الكلام مينغش تبقى كده. أنا بكلمك باحترام وما تلفظتش لفظ، ومراتك محترمتيش الراجل اللي معاها.. أنا مراتي متقدرش تتكلم لأنها بتحترمني”.
وتساءل: “ليه تغلطوا فيا وفي مراتي هو علشان أنا موقوف من النقابة.. دي حاجة بتاعة ربنا وان شاء الله هرجع”ز
واستطرد:" مش محتاج احكها وأغنية بابا جايبة 40 مليون وأغاني كتير، وآخر أغنية مع عصام كانت من تلات سنين أيام لما أنا كنت مكسر الشارع، والحمد لله أنا بطور من نفسي وبغني مع عسيلي وبوسي وبعمل تريكات لكن معجبهمش الكلام ده".
واختتم عصام صاصا: “شايلي من وقت ما كنت في برنامج والمذيعة بتسألني عليه وعلى أكتر من مطرب زي حودة بندق وعمر كمال، وقلت لها أنا مش شايف في الحتة دي.. هو أنا قلت عصام جربوع؟"
