شريف مدكور: زرعت شعري في مصر.. وأصحابي رجعوا من الخارج لإعادة العملية هنا
أشاد الإعلامي شريف مدكور بالسياحة العلاجية في مصر، قائلًا: «زرعت شعري في مصر، وفيه أصحابي زرعوا بره وباظ ورجعوا عادوه تاني في مصر.. عندنا سياحة علاجية هايلة»، خلال فيديو له عبر صفحته الرسمية له.
تصريحات الإعلامي شريف مدكور:
وأضاف شريف مدكور، : «أنا زرعت شعري في مصر، أغلبية اللي حواليا زرعوا شعرهم خارج مصر، ونص اللي راحوا البلاد الثانية دي زرعوا شعرهم جم عندهم مشاكل واضطروا يعيدوها في مصر».
وتابع: «طب إنت ليه من الأول رحت دفعت الـ2000 دولار وعملت القصة دي هناك؟ ما أنت كان هنا بلدك أولى، والدكتور بتاعك هتروح عنده بعد أسبوع يشيل لك القشرة وتتابع معاه والقصص دي كلها».
واستكمل: «في حاجات طبعًا أنا ما بفهمهاش وما ببقاش مستوعبها، رغم إني بسافر في السنة ثلاثة أو أربعة مرات، بس أنا بسافر عشان أصحابي عايشين بره، ببقى عايز أشوفهم وهم عايزين يشوفوني، حتى ما بروحش أقعد في بيوتهم، فما تعتبرش سياحة قوي».
وواصل: «إحنا عندنا كل مقومات السياحة، إحنا عندنا مشكلة، عندنا الفنادق قليلة عايزينها تزيد، الغرف الفندقية، عايزين نتوسع في موضوع تأجير السكن عبر الإنترنت»، مضيفًا: «عندنا إن في بعض المناسبات الدينية في مصر بيبقى في حجب لبعض الأشياء، والسائح بيبقى جاي مش عارف فبيتخض، عندنا بعض الناس مش بتعرف تتعامل مع السياح».
واختتم: «مش هينفع نبقى بلد سياحية من طراز أول ويخش لنا 50 أو 60 مليون سائح غير لما يبقى عندنا المواصلات جيدة، والآن أصبحت هايلة، عندنا شركات التوصيل بقت في كذا شركة»، مضيفًا: «لما قصدت البنية التحتية السياحية، أقصد إنك عايز على الأقل فنادق، عايز كمية فنادق مرعبة، وعايز يبقى في مرشدين عندهم الوعي واللغة وإتقان اللغة والشكل المناسب إنه يبقى مع السائح».
