"كلنا إخوات".. رضا البحراوي ينفي وجود أي خلافات مع محمود الليثي وحمادة الأسمر
أعلن المطرب الشعبي رضا البحراوي عن عدم وجود أي عداوة أو خلافات مع محمود الليثي وحمادة الأسمر ، مؤكدا أنه يحب الخير للجميع ولا يريد الدخول في خلافات مع أحد.
حقيقة خلاف رضا البحراوي ومحمود الليثي
وكتب رضا البحراوي عبر صفحته الشخصية على موقع التواصل الاجتماعي فيس بوك: الحمد لله والفضل والشكر لله وحده الذي أنعم علينا بسلامة الصدر ونقاء السريرة فوالله ما أذيت أحداً ولا سعيت في ضرر إنسان والحمد لله الذي جعل قلبي عامرا بالخير .
وأضاف ؛ أنا حابب أوضح للناس كلها أن أخويا وحبيبي محمود الليثي وأخويا حمادة الأسمر ما فيش بينا أي عداوة احنا كلنا إخوات وكلنا راجل واحد ومحبتي لكل الناس في المجال وخارج المجال معروفة ، أنا طول عمري بقف جنب الكل وبحب الخير لكل الناس ولا عمري حقدت على حد ولا بصيت لحد والحمد لله أنا ماشي وربنا هو اللي ساندني وبوجه كلامي لكل زمايلي في المجال احنا كلنا إخوات لازم نحب الخير لبعض ونفرح لنجاح بعض لأن الدنيا فانية والسيرة الطيبة هي اللي باقية
وخلوني أوضح إن كلامي ده نابع من ثقتي بنفسي ومن أصلي مش خوف من حد فالقوة من الله وحده .
وتابع : وفي الختام بوجه رسالة للأستاذ طارق عبد الستار وبقوله معلش يا حبيبي المسامح كريم وأنا عارف إنك خايف عليا وزعلان عشاني ومقدر جدا خوفك ده ومحبتك ليا وبقولك احنا كلنا إخوات وما فيش عداوة بينا والقلوب الصافية هي اللي بتبني وكل تقديري واحترامي ليك إخواتي وحبايب قلبي بحبكم في الله .. أخوكم رضا البحراوي .
