حسام حسنن إمام عاشور الجوكر بتاعي.. وهيثم حسن عنده قدرة هايلة
قال المدير الفني لمنتخب مصر، حسام حسن، إن إمام عاشور لاعب ذور مهارة عالية جدا، والجمهور كله بيحبه، متابعا: أنا بعتبره الجوكر بتاعي بس هو محتاج اللي يوجهه.
وأشار حسن، خلال لقاء مع منى الشاذلي، إلى أن الجهاز الفني كان يتابع اللاعب هيثم حسن، مزدوج الجنسية منذ عامين، عندما كان يلعب في الدوري الإسباني، مؤكدا أنه كان ضمن الأسماء التي تحظى باهتمام الاتحاد المصري لكرة القدم.
وأضاف: "والله إحنا كنا متابعينه من سنتين كمان كان في الدوري الإسباني، بس كان بيلعب على الخط والاتحاد عايز لعيبة مزدوجين، فطبعا كان الاسم ده في دماغنا".
كواليس انضمام هيثم حسن للمنتخب المصري
وأوضح أن اللاعب كان ينتظر فرصة مع منتخبات فرنسا للناشئين، قائلا: "بس الراجل كان مستني فرصة مع منتخب فرنسا في الناشئين، فإحنا كنا شغالين عليه".
وتابع: "كابتن إبراهيم اللي كان متكلم معاه ومع والده، وقاله بالنص: إحنا منتخب مصر كبير وعندنا لعيبة كبار، فلو إنت عايز تيجي يبقى تيجي تستحق ده. مش هتيجي تقول إحنا عايزينك فهتيجي، لأ، إنت هتيجي عشان إنت كويس".
وأشار حسام حسن إلى أن اللاعب انضم في النهاية لمنتخب مصر وشارك في كأس العالم، مضيفا: "وفعلا الحمد لله جه، ونزل المونديال".
ووصف اللاعب بأنه مفاجأة، قائلا: "يعني هو الولد ده مفاجأة، وأنا كنت شايفه لاعب كويس جدا، وبيلعب في ريال أوفيدو دلوقتي".
وأكد أن اللاعب يحمل الجنسيتين المصرية والفرنسية، موضحا: "هو معاه الجنسية المصرية والفرنسية، أبوه مصري وأمه فرنسية، فدي كانت ميزة كبيرة جدا إن هو لعب معانا في المنتخب".
عنده قدرة دفاعية وهجومية كويسة
وأشاد بإمكانيات اللاعب قائلا: "عنده قدرة دفاعية كويسة، وعنده قدرة هجومية، وبيقدر يخترق.. كنا بنشوفه بيلعب على الخط قبل كده، لكن دلوقتي بقينا بنشوفه بيلعب كمان نص ملعب مهاجم، وبيلعب في أكتر من مركز، وده بيديله مرونة كبيرة داخل الملعب".
