«نسيت الأوردر ونسيت الشغل».. عامل دليفري يروي كواليس لقاء منتخب مصر في العلمين
قال عمرو ياسر توفيق، عامل توصيل الطلبات (دليفري)، إنه لم يتمالك نفسه بمجرد رؤيته موكب منتخب مصر في مدينة العلمين الجديدة، مؤكدًا أنه نسي تمامًا الأوردر الذي كان في طريقه لتوصيله من شدة فرحته برؤية اللاعبين.
وأضاف خلال مداخلة مع الإعلامية هبة جلال، ببرنامج “مساء جديد”، عبر شاشة “المحور”، : “أول ما شفت الموكب نسيت الأوردر، ونسيت الشغل، ونسيت كل حاجة. بقيت كل اللي بفكر فيه إني أوصل للعيبة وأسلم عليهم. في اللحظة دي كان أهم عندي أشوفهم، مش أوصل الأوردر”.
وأوضح أن أحد المسؤولين بوزارة الداخلية تواصل معه أثناء وجوده في العمل، ودعاه لمقابلة لاعبي المنتخب، قائلًا: “وزارة الداخلية اتصلت بيا وأنا في الشغل، وبعتولي عربية مخصوص جابتني، ودخلوني الفندق، وبعدها رجعوني، كل الشكر ليهم على اللفتة الجميلة دي”.
وقال : “بشكر وزارة الداخلية، وكمان بشكر وزير الشباب والرياضة، والسيد الرئيس عبد الفتاح السيسي، لأنهم اهتموا بالموضوع، وكانوا حريصين يفرحوني، دخلوني لوحدي عشان أسلّم على اللعيبة وأتكلم معاهم، رغم إن المكان كان زحمة جدًا والناس كلها كانت فرحانة، هم كانوا بيحاولوا يفرحوني، وأنا كنت سعيد جدًا، فعلًا شرفونا”.
