ياسمين عز لـ ياسين بونو: أنت مش بونو واحتفظ برأيك لنفسك

قالت الإعلامية ياسمين عز: «المغرب خرجت من كأس العالم والحالة زادت سوء وبكده أعدائنا زادوا منتخب فرنسا والعاق إمبابي.. ومن مكاني هنا بوجه رسالة لمواليد برج إيفل ومحبي العطور الفرنسية اللي فرحوا جدا بفوز فرنسا على منتخب المغرب.. منكم لله أنتم والأرجنتين والحكم ومراته واتفونتيو».

وأضافت، ياسمين عز، خلال حلقة اليوم من برنامج «كلام الناس» المذاع عبر شاشة إم بي سي مصر: «ياسين بونو بعد الخسارة من فرنسا قال أنا عجبني روح ميسي في مباراة الأرجنتين.. طيب لم يعجبك إمبابي لما استعاد شخصيته لما دخل فيك جول خلى الشبكه تزغرد وإن محدش عارف ياخد منه الكورة وإن إحنا ما شفناش حارس مرمى فرنسا إلا نادرا.. أنا الحقيقيه في حاجات كتير عجبتني في الماتش لكن ميسي معجبنيش ولا عجبنا كلنا عشان سارق وأفاق وهو واتفونتينو وأنت مش بونو».

وتابعت: «هنتكلم في الكورة نتكلم بأدب نظام بونو بونو ده لا مينفعش.. أنتم نسيتوا إننا عرب ده أنا لست بدعي على اللي شجعوا فرنسا تيجي منك.. لا عيب متقولش رأيك احتفظ بيه لنفسك».

وفي سياق أخر، أشادت  الإعلامية ياسمين عز بأداء منتخب مصر، قائلة: «مصر زعلانة والمصريين زعلانين والعالم كله زعلان بسبب اللي حصل في مباراة مصر والأرجنتين، زعلانين بس فخورين متكسبش بفخر أحسن ما تكسب بأكل الحرام زي ميسي واتفونتينو إحنا غيرنا اسمه ولغيناه خلاص». 

وأضافت: «خسرنا ظلم بسبب الحكم والفيفا والعنصرية انفنتينو وميسي اتحدوا ضدنا ولغولنا جول في مزاجهم وفي أقل من ربع ساعة خسرنا 3-2 بعد أجوال مشكوك في صحتها.. اللي زعلنا إننا كنا قربنا واتعشمنا لكن كان في أيادي خبيثة قررت تبوظ علينا الإنتصار والفرح لكن العالم كله وربنا قبلهم شاهد على سرقة الماتش وسجل يا تاريخ إن ميسي العيوطة عيط عشان إحنا كسبنا.. هو كتيبة المحترفين احتاجوا الحكم يبقى معاهم بالظلم عشان يكسب علينا متخيلين هما خايفين مننا إزاي.. ومن هنا ورايح المصريين هيشجعوا أي حد إلا ميسي أنا لو لعبت قدام ميسي هيشجعوني عادي وعايزين نشكر منتخبنا والرجاله اللي شرفونا ورفعوا رأس كل مصري شكرا يا محمد صلاح يا قائد يا عالمي يا مهنينا يا مفرحنا تسلم يا أبو مكه يا محترم ومردوده ليك في كتب كتاب مكة أو حنه كيان.. وكابتن مصطفى شوبير صغير السن كبير المقام شوبير باشا بيه شكرا يا حارس عملاق».