مها عبد الناصر تدعو لاحتفال شعبي ورسمي يليق بمنتخب مصر الوطني وجماهيره

دعت النائبة مها عبد الناصر المسؤولين إلى تنظيم احتفال شعبي ورسمي يليق بمنتخب مصر بعد العودة من كأس العالم، مؤكدة أن الجماهير تستحق فرصة للتعبير عن فخرها ودعمها للاعبين بعد مشوارهم بالبطولة.

وقالت مها في منشور عبر حسابها الرسمي على "فيسبوك": "نداء الى كل مسئول في الدولة، اعملوا استقبال رسمي في العلمين، مفيش مشكلة، بس الناس اللي نفسها تحتفل بالمنتخب المصري الوطني كتير اوي و كفاية علينا احساس الظلم و قلة الحيلة اللي حصل بعد الماتش الاخير في كاس العالم".

وأضافت: “اعملوا احتفال في إستاد القاهرة مش بقولكم في الشوارع منعا لأي مشاكل، الجمعة الجاية مثلاً و خلوا الاتوبيس بتاع المنتخب يلف الشوارع والناس تفرح بيهم وتحييهم والأعلام تترفع في البلكونات والمحلات والشوارع كلها طول الطريق، و في كل الأماكن اللي ممكن يعدوا منها و صورهم تبقى في كل مكان”.

وأتبعت: “هو ده الاحتفال الشعبي اللي يليق بيهم ويفرحهم بعد كسرة النفس اللي حصلت، و يفرح الناس شوية بعد القهرة اللي لسه مش عارفين نتخطاها”.