جهاز مستقبل مصر كيان ساند ظهر كل بيت مصري وشريان حياة .. فيديو

أكد أحد المواطنين أن جهاز مستقبل مصر لم يعد مجرد مشروع تنموي، وإنما أصبح شريان حياة أسهم في توفير فرص العمل ودعم الأمن الغذائي، مشيرا إلى أن الجهاز نجح في تحويل المستحيل إلى واقع من خلال استصلاح الأراضي وزراعة المحاصيل الاستراتيجية.

وقال: «لما تتكلم عن جهاز مستقبل مصر، إنت مش بتتكلم عن مشروع، إنت بتتكلم عن شريان حياة».

مصر بتأمن أكلها وبتصنع مستقبلها

وأضاف: «الجهاز اللي قدر يحول المستحيل لواقع، ويزرع القمح والبنجر وكل اللي بنحتاجه في قلب الصحراء، كان له الفضل في إننا نواجه أصعب الأزمات العالمية واحنا مطمنين بإيد ولادها.. مصر بتأمن أكلها وبتصنع مستقبلها».

مفيش حد اسمه ملوش مجال باب رزق من جهاز مستقبل مصر

وتابع: «لو مفيش جهاز مستقبل مصر السنة دي مكانش إحنا كأصحاب معدات هنلاقي شغل السنة دي، ولا كانت الأرض اتزرعت».

وأضاف خلال تصريحات: «مفيش حد يقدر على التوسعات دي والجهاز تدخل وبيعمل كل حاجة، الحاجة الصح، بالاتجاه المظبوط، مفيش حد اسمه ملوش مجال باب رزق من جهاز مستقبل مصر».

الجهاز ليه فضل على الناس كلها

واستكمل: «اللي ماشي على الطريق هيشوف، ما بالك اللي بيدخل جوه ويشوف الدنيا جوه، لا الموضوع مختلف تماما الجهاز ليه فضل على الناس كلها، مفيش حد النهاردة لا بيت ولا أسرة إلا لما الجهاز ليه تأثير عليه».

واختتم تصريحاته قائلا: «المنظومة بتساعد المواطن والجهاز بيساعدنا كلنا النهاردة ومخلينا كلنا نشتغل وناكل لقمة عيش».

وقد وافقت اللجنة المشتركة من لجنة الشؤون الدستورية والتشريعية بمجلس النواب، برئاسة المستشار محمد عيد محجوب، وبالاشتراك مع هيئات مكاتب 17 لجنة نوعية، نهائيًا على مشروع القانون المقدم من الحكومة بشأن إصدار قانون إعادة تنظيم جهاز «مستقبل مصر للتنمية المستدامة»، وذلك عقب الانتهاء من مناقشة جميع مواده وإدخال عدد من التعديلات عليه.

وجاءت الموافقة بحضور المستشار هاني حنا عازر، وزير شؤون المجالس النيابية، والمستشار محمد عبد العليم كفافي، مستشار رئيس مجلس النواب، إلى جانب 18 ممثلًا عن الوزارات والجهات المعنية، في إطار استكمال الإجراءات التشريعية الخاصة بمشروع القانون.

وتضم اللجنة المشتركة هيئات مكاتب لجان الخطة والموازنة، والشؤون الاقتصادية، والعلاقات الخارجية، والدفاع والأمن القومي، والصناعة، والزراعة والري والأمن الغذائي والثروة الحيوانية، والطاقة والبيئة، والإسكان، والقوى العاملة، والتعليم والبحث العلمي، والتضامن الاجتماعي، والإعلام والثقافة والآثار، والسياحة والطيران المدني، والشؤون الصحية، والاتصالات وتكنولوجيا المعلومات، والإدارة المحلية، والمشروعات المتوسطة والصغيرة ومتناهية الصغر.