«العالم كله واقف مع مصر».. باسم يوسف يوجه رسالة للمنتخب بعد الخروج من المونديا

دعا الإعلامي باسم يوسف الجماهير المصرية إلى النظر بإيجابية إلى مشوار منتخب مصر في كأس العالم، مؤكدا أن الفراعنة خرجوا من البطولة بصورة مشرفة، ونجحوا في كسب احترام وتعاطف العالم رغم عدم التأهل.

وقال باسم يوسف في فيديو نشره على حسابه على إنستجرام: «عارف إن في طاقة غضب كبيرة ومظلومية، وإن منتخب مصر اتظلم، لكن هقولكم افرحوا.. ده كان أحسن سيناريو نطلع بيه من كأس العالم».

وأضاف: «إنت طالع وأبطال العالم، وكل العالم مقلوب عليهم علشانك. إحنا طلعنا بسيناريو كل الناس مكنتش تتخيله».

وتابع: «خسرنا الماتش، لكن كسبنا العالم، ودي حاجة بتكسبها وإنت مش محتاج كؤوس، مين عارف، كان ممكن تعدي من الأرجنتين وتخسر 3 أو 4 من المنتخب التاني، لكن إحنا طلعنا والعالم كله متعاطف معانا، والعالم كله بيتكلم عنا باحترام، فإحنا كسبنا».

واستكمل باسم يوسف رسالته قائلا: «لو عاوز تكمل في حرق الأعصاب ده اختيارك، لكن هقولك لازم نسمح لنفسنا نفرح ونكون فخورين بلاعيبتنا وبقصتنا. إحنا طلعنا بقصة، وهي مكملة أكتر من الكأس».

واوضح باسم يوسف: «وقررت ارتداء هذا القميص في جميع حفلاتي على الأقل حتى نهاية العام الحفلات القادمة: جاكسونفيل، دنفر، أستراليا، نيوزيلندا، نيويورك، بوسطن، مينيابوليس، شيكاغو، ديترويت، سان فرانسيسكو، تامبا، فورت لودرديل، تورنتو».